കരൂപ്പടന്ന: വെള്ളാങ്കല്ലൂർ ഗ്രാമപഞ്ചായത്ത് ബാലോത്സവം "സർഗോത്സവം 2018' കോണത്തുകുന്ന് ഗ്രാമപഞ്ചായത്ത് കമ്യൂണിറ്റി ഹാളിൽ തുടങ്ങി. ഗ്രാമപഞ്ചായത്ത് പ്രസിഡന്റ് പ്രസന്ന അനിൽകുമാർ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് ഷാജി നക്കര മുഖ്യാതിഥിയായി. ഗ്രാമപഞ്ചായത്ത് വൈസ് പ്രസിഡന്റ് ഉണ്ണികൃഷ്ണൻ കുറ്റിപ്പറന്പിൽ, നിഷ ഷാജി, സീമന്തിനി സുന്ദരൻ, ഐസിഡിഎസ് ഓഫീസർ ജയന്തി എന്നിവർ സംസാരിച്ചു.
എം.കെ.മോഹനൻ സ്വാഗതവും എൻ.കെ. രാജാമണി നന്ദിയും പറഞ്ഞു. വെള്ളാങ്കല്ലൂർ ഗ്രാമപഞ്ചായത്തിലെ അങ്കണവാടി, പ്രീ പ്രൈമറി, എൽപി, യുപി സ്കൂളുകളിൽ നിന്നായി 800 ഓളം കുട്ടികൾ രണ്ടു ദിവസങ്ങളിലായി നടക്കുന്ന പരിപാടിയിൽ പങ്കെടുക്കും. ഇന്നു വൈകീട്ട് സമാപിക്കും.
അയ്യപ്പഭക്ത വിശ്രമകേന്ദ്രം ഉദ്ഘാടനം
കൊടുങ്ങല്ലൂർ: കേരള ക്ഷേത്ര സംരക്ഷണസമിതി താലൂക്ക് കമ്മിറ്റി കൊടുങ്ങല്ലൂർ ശ്രീകുരുംബ ഭഗവതിക്ഷേത്രാങ്കണത്തിൽ ആരംഭിക്കുന്ന അയ്യപ്പഭക്ത വിശ്രമകേന്ദ്രം ശനിയാഴ്ച വൈകീട്ട് നാലിനു ജില്ലാ പോലീസ് മേധാവി എം.കെ.പുഷ്കരൻ ഉദ്ഘാടനം ചെയ്യും.
വെള്ളാങ്കല്ലൂരിൽ ബാലോത്സവം തുടങ്ങി
01:30 AM Nov 16, 2018 | Deepika.com