കുഴൂർ: സുബ്രഹ്മണ്യസ്വാമി ക്ഷേത്രത്തിലെ ഏകാദശി ഉത്സവത്തിന് നാളെ കൊടിയേറും. വൈകീട്ട് എട്ടിന് കൊടിയേറ്റം. രാത്രി പത്തിന് കൊടിപ്പുറത്ത് വിളക്ക്, കുഴൂർ സുധാകരമാരാർ നയിക്കുന്ന മേളം. 17ന് വൈകിട്ട് 6.35ന് തിരുവാതിരക്കളി, 7.30ന് നൃത്തസന്ധ്യ.
18ന് രാവിലെ 10.30ന് ഉൗട്ടുപുരയിൽ ആനച്ചമയ പ്രദർശനം, 11ന് ഓട്ടൻതുള്ളൽ, വൈകിട്ട് 6.45ന് പാഠകം, ഏകാദശി മഹോത്സവ ദിനമായ 19ന് രാവിലെ ഒന്പതിന് ശീവേലിക്കായി 15 ആനകൾ അണിനിരക്കും. കൊടുങ്ങല്ലൂർ ഹരിദാസ് നയിക്കുന്ന സ്പെഷൽ നാദസ്വരം, ചേരാനല്ലൂർ ശങ്കരൻകുട്ടി മാരാർ നയിക്കുന്ന പഞ്ചാരിമേളം എന്നിവ നടക്കും.
12.30ന് പ്രസാദ ഉൗട്ട്, വൈകിട്ട് നാലിന് കാഴ്ചശീവേലി, അഞ്ചിന് കുടമാറ്റം, ഏഴിന് തിരുവാതിരക്കളി, രാത്രി ഒന്പതിന് ഏകാദശി വിളക്ക്, രാത്രി പത്തിന് ചോറ്റാനിക്കര നന്ദപ്പമാരാർ നയിക്കുന്ന മേജർ സെറ്റ് പഞ്ചവാദ്യം.
20ന് വൈകിട്ട് 7.15ന് കഥകളിപ്പദ കച്ചേരി, 22ന് പള്ളിവേട്ട ദിനത്തിൽ രാവിലെ 10.30ന് ഉത്സവബലി ദർശനം, രാത്രി ഒന്പതിന് പള്ളിവേട്ട, ആറാട്ട് ദിനമായ 23ന് രാവിലെ ഒന്പതിന് ആറാട്ട്, 12ന് ആറാട്ട് സദ്യ, രാത്രി എട്ടിന് ഗാനമേള, പത്തിന് കാർത്തിക വിളക്ക്.
പരിപാടികൾ വിശദീകരിച്ച പത്രസമ്മേളനത്തിൽ ക്ഷേത്രം ഭാരവാഹികളായ എം.എ.ഗോവിന്ദൻ, ഐ.എസ്.വിഷ്ണു, എം.എം.മിഥുൻ എന്നിവർ പങ്കെടുത്തു.
കുഴൂർ ഏകാദശി നാളെ കൊടിയേറും
12:49 AM Nov 15, 2018 | Deepika.com