നടവരന്പ്: ഗവ. മോഡൽ ഹയർ സെക്കൻഡറി സ്കൂളിലെ ജൈവ നെൽക്കൃഷിയുടെ കൊയ്ത്തുത്സവം വേളൂക്കര ഗ്രാമപഞ്ചായത്ത് പ്രസിഡന്റ് ഇന്ദിര തിലകൻ ഉദ്ഘാടനം ചെയ്തു.
പരിപൂർണമായും ജൈവവളങ്ങൾ മാത്രം ഉപയോഗിച്ചാണ് കൃഷി നടത്തിയത്. പ്രളയത്തിനിടയിലും കൈവിടാതെ അധ്യാപകരും വിദ്യാർഥികളും പിടിഎയും ഒറ്റക്കെട്ടായാണു കൃഷിക്ക് മുന്നിട്ടിറങ്ങിയത്. കൊയ്തെടുത്ത നെല്ല് ’കുട്ടിയരി ’എന്ന പേരിൽ വിപണനം നടത്താറുണ്ട ്. ഗൈഡ്സ് ക്യാപ്റ്റനും കാർഷിക ക്ലബ് കണ്വീനറുമായ സി.ബി. ഷക്കീലയുടെ മേൽനോട്ടത്തിലാണ് കൃഷി നടത്തിയത്.
ബ്ലോക്ക് പഞ്ചായത്ത് മെന്പർ വിജയലക്ഷ്മി വിനയചന്ദ്രൻ, ഗ്രാമപഞ്ചായത്ത് മെന്പർ ഡെയ്സി ജോസ്, പിടിഎ പ്രസിഡന്റ് എം.കെ. മോഹനൻ, പ്രിൻസിപ്പൽ എം. നാസറുദീൻ, ഹെഡ്മിസ്ട്രസ് ലാലി, എൻഎസ്എസ് പ്രോഗ്രാം ഓഫീസർ സ്മിത, അധ്യാപികമാരായ റോഫി, അനിത, ഷീല, ഷെമി എന്നിവരും എൻഎസ്എസ്, സ്കൗട്ട്സ്, ഗൈഡ്സ് യൂണിറ്റ് വിദ്യാർഥികളും പങ്കെടുത്തു.
ജൈവ നെൽക്കൃഷി കൊയ്ത്തുത്സവം
12:49 AM Nov 15, 2018 | Deepika.com