പെരിന്തൽമണ്ണ: അങ്ങാടിപ്പുറത്ത് വർധിച്ചുവരുന്ന വഴിവാണിഭങ്ങൾക്കെതിരെ കർശനനടപടികൾ അധികൃതർ സ്വീകരിക്കണമെന്നും സർക്കാർ സ്ഥലം വളച്ചുകെട്ടി പോസ്റ്റുകൾ കെട്ടി ഷെഡ്ഡുകൾ പണിത് വാടകക്ക് മറിച്ചുവിൽക്കുന്ന ലോബികൾക്കെതിരെ നടപടികൾ സ്വീകരിക്കണമെന്നും വ്യാപാരി വ്യവസായി ഏകോപനസമിതി യൂത്ത് വിംഗ് അങ്ങാടിപ്പുറം യൂണിറ്റ് കണ്വൻഷൻ ആവശ്യപ്പെട്ടു.
കണ്വൻഷൻ ജില്ലാ പ്രസിഡന്റ് അക്രം ചൂണ്ടയിൽ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് ഷബീർ മഞ്ഞന്പ്ര, വ്യാപാരി വ്യവസായി ഏകോപനസമിതി അങ്ങാടിപ്പുറം യൂണിറ്റ് പ്രസിഡന്റ് ജോസ് വർഗീസ്, പി.അബ്ദുൽ ലത്തീഫ് എന്നിവർ പ്രസംഗിച്ചു. ടി.കെ.സക്കീർ ഹുസൈൻ അധ്യക്ഷത വഹിച്ചു.
എം.കെ.മുഹമ്മദ് നൗഫൽ നന്ദിയും പറഞ്ഞു. ഭാരവാഹികളായി ടി.കെ.സക്കീർ ഹുസൈൻ (പ്രസിഡന്റ്), നൗഷാദ് (ജനറൽ സെക്രട്ടറി), നാസർ, ഹനീഫ, റഷീദലി (വൈസ് പ്രസിഡന്റുമാർ), ഉണ്ണി, ജലീൽ, ഫസൽ, റഷീദ് (സെക്രട്ടറിമാർ).
വ്യാപാരി വ്യവസായി ഏകോപനസമിതി കണ്വൻഷൻ
12:00 AM Nov 06, 2018 | Deepika.com