പത്തനംതിട്ട: മലങ്കര ഓർത്തഡോക്സ് സഭയിൽ ആദ്യമായി മലയാളത്തിൽ പ്രസിദ്ധീകരിച്ച ബഥനി തക്സായുടെ പുനഃപ്രസിദ്ധീകരണം നടന്നു. 1940 നവംബർ രണ്ടിനു പരുമല പള്ളിയിലാണ് തക്സ ആദ്യം പ്രസിദ്ധികരിച്ചത്.
78വർഷങ്ങൾക്കു ശേഷം ബഥനി ആശ്രമത്തിന്റെ ശതാബ്ദിയുടെ ഭാഗമായി ആശ്രമത്തിൽ നിന്ന് പ്രസിദ്ധികരിച്ചിട്ടുള്ള എല്ലാ പുസ്തകങ്ങളും പുനഃപ്രസിദ്ധികരിക്കുന്നതിനൊപ്പം ഏറെ പ്രചാരം നേടിയിട്ടുള്ള ബഥനി തക്സാ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവ പരുമല സെമിനാരിയിൽ പുനഃ പ്രസിദ്ധീകരിച്ചു.
ബഥനിയുടെ അലക്സിയോസ് മാർ തേവോദോസിയോസ് മെത്രാപ്പോലീത്തയുടെ പിതൃ സഹോദരൻ മട്ടക്കൽ അലക്സാന്ദ്രയോസ് മലപ്പൻ അച്ചൻ സുറിയാനിയിൽ നിന്ന് പൂർണമായും മലയാളത്തിലേക്ക് തർജ്ജിമ ചെയ്ത തക്സാ ബഥനി ആശ്രമത്തിൽ നിന്നാണ് പ്രസിദ്ധീകരിച്ചത്.
അതിനാൽ അത് ബഥനി തക്സാ എന്ന് അറിയപ്പെട്ടു.
ബഥനി തക്സാ പുനഃപ്രസിദ്ധികരിച്ചു
10:31 PM Nov 05, 2018 | Deepika.com