മതിലകം: .കനിവ് ചാരിറ്റബിൾ ക്ലബ് സംഘടിപ്പിക്കുന്ന സ്നേഹപൂർവം കനിവ് പരിപാടിയുടെ ഭാഗമായf പ്രളയം നാശം വിതച്ച മതിൽമൂല കളത്തേരികടവിൽ പ്രളയ ചിത്രങ്ങളുടെ പ്രദർശനവും പ്രഭാഷണവും നടക്കും.
കളത്തേരി കടവിന്റെ പുഴയോരത്തു വൈകീട്ട് അഞ്ചു മണി മുതൽ പ്രദർശനം ആരംഭിക്കും. ബദറുദ്ദീൻ പുന്നക്കബസാറിന്റെ പ്രളയ ചിത്രങ്ങളാണ് പ്രദർശിപ്പിക്കുക. ചിത്രങ്ങളെ സംബന്ധിച്ച് പി.ബി.സക്കീർ ഹുസൈൻ മാസ്റ്ററാണ് പ്രഭാഷണം നയിക്കുക. ഒ.വി.വിജയന്റെ കടൽത്തീരത്ത് എന്ന കഥയുടെ നാടക ആവിഷ്ക്കാരം, നൃത്ത നൃത്ത്യങ്ങൾ, കലാപരിപാടികൾ, ഗാനസന്ധ്യ തുടങ്ങിയവ പരിപാടിയുടെ ഭാഗമായി അരങ്ങേറും.
മതിൽമൂല കളത്തേരികടവിൽ വൈകീട്ട് അഞ്ചു മണിക്ക് ആരംഭിക്കുന്ന പരിപാടി ഇ.ടി. ടൈസണ് മാസ്റ്റർ എം എൽ എ ഉദ്ഘാടനം ചെയ്യും. കനിവ് പ്രസിഡന്റ് ബഷീർ തൃപ്പേക്കുളം അധ്യക്ഷത വഹിക്കും. എ.പി.അഹമ്മദ് മാസ്റ്റർ മുഖ്യപ്രഭാഷണം നടത്തും. ചലച്ചിത്ര അക്കാദമി ചെയർമാൻ കമൽ മുഖ്യ അതിഥിയായിരിക്കും. പ്രളയ ദുരിതാശ്വാസ പ്രവർത്തങ്ങളിൽ മികച്ച സേവനം നടത്തിയ പാപ്പിനിവട്ടം വില്ലേജ് ഓഫീസർ പ്രവീണ് കുമാറിനെ യോഗത്തിൽ ആദരിക്കും. ഡോ.നിഷി സലാം കൗണ്സിലിംഗ് ക്ലാസ് നയിക്കും.
പ്രളയ ചിത്രങ്ങളുടെ പ്രദർശനവും പ്രഭാഷണവും ഇന്ന്
01:38 AM Nov 04, 2018 | Deepika.com