ഇരിങ്ങാലക്കുട: തൃശൂർ നെഹ്റു യുവകേന്ദ്രയും ഇരിങ്ങാലക്കുട വിസ്ഡം ക്ലബും ചേർന്ന് നടത്തിയ ഇരിങ്ങാലക്കുട വെള്ളാങ്കല്ലൂർ ബ്ലോക്ക്തല കായികമേളയിൽ സെവൻസ് ഫുട്ബോളിലും വടംവലിയിലും ഇരിങ്ങാലക്കുട വിസ്ഡം ക്ലബ് ജേതാക്കളായി.
ഫുട്ബോളിൽ ഫീനിക്സ് ക്ലബ് റണ്ണേഴ്സപ്പായി. വടംവലിയിൽ പ്രദീപം കുഴിക്കാട്ടുകോണം റണ്ണേഴ്സപ്പായി. വോളിബോളിൽ ഫീനിക്സ് ക്ലബ് കിരീടം ചൂടി. ഇരിങ്ങാലക്കുട വിസ്ഡം ക്ലബ് റണ്ണേഴ്സപ്പായി. ഷോട്ട്പുട്ട് പുരുഷന്മാരിലും വനിതകളിലും വിസ്ഡം ക്ലബ് ജേതാക്കളായി. നൂറു മീറ്റർ ഓട്ടത്തിൽ ഫീനിക്സ് ക്ലബ് ജേതാക്കളായി. വിജയികൾക്ക് ക്രൈസ്റ്റ് കോളജ് വൈസ് പ്രിൻസിപ്പൽ ഫാ. പി.ടി. ജോയ് സമ്മാനദാനം നിർവഹിച്ചു.
സമാപനസമ്മേളനം ഇരിങ്ങാലക്കുട നഗരസഭ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സണ് മീനാക്ഷി ജോഷി ഉദ്ഘാടനം ചെയ്തു. വാർഡ് കൗണ്സിലർ എം.ആർ. ഷാജു അധ്യക്ഷത വഹിച്ചു. ഭരത്കുമാർ, സി.വി. വിജയൻ, പ്രസിഡന്റ് വേണു തോട്ടുങ്ങൽ, ട്രഷറർ ജയൻ തൃത്താണി എന്നിവർ പ്രസംഗിച്ചു.
ഇരിങ്ങാലക്കുട വിസ്ഡം ക്ലബ് ജേതാക്കൾ
01:38 AM Nov 04, 2018 | Deepika.com