ചെറുവാളൂർ: കൊരട്ടി-പുളിക്കകടവ് റോഡിൽ യാത്രയ്ക്ക് തടസമായി നില്ക്കുന്ന ഇലക്ട്രിക് പോസ്റ്റുകളും ടെലിഫോണ് പോസ്റ്റുകളും മാറ്റിസ്ഥാപിക്കണമെന്ന് ചെറുവാളൂർ ഗ്രൗണ്ട് ബ്രദേഴ്സ് യോഗം അധികൃതരോട് ആവശ്യപ്പെട്ടു.
റോഡിന്റെ ശോചനീയാവസ്ഥയ്ക്കെതിരെ ക്ലബ് പ്രക്ഷോഭം നടത്തിയിരുന്നു. അതിന്റെ ഫലമായി റോഡിന്റെ പണികൾ ആരംഭിച്ചതിൽ ബി.ഡി.ദേവസി എംഎൽഎയ്ക്കും പിഡബ്ല്യുഡി അധികൃതർക്കും യോഗം അഭിനന്ദനങ്ങൾ അർപ്പിച്ചു.
ക്ലബിന്റെ വാർഷികം ഡിസംബർ 30ന് നടത്തുവാൻ തീരുമാനിച്ചു. പ്രസിഡന്റ് ബാബു നന്പാടൻ അധ്യക്ഷത വഹിച്ചു.
വി.കെ.മോഹനൻ, പി.കെ.സിദ്ദിഖ്, മുഹമ്മദ് റഫീക്, രാധാകൃഷ്ണൻ മേലാപ്പിള്ളി, സുജേഷ് ചുങ്കത്ത്, നൗഷാദ് മുളങ്ങത്ത്, ജെസ്പ്പിൻ ജോസ്, വി.എസ്.കൃഷ്ണകുമാർ എന്നിവർ പ്രസംഗിച്ചു.
ഇലക്ട്രിക്് പോസ്റ്റുകളും ടെലിഫോണ് പോസ്റ്റുകളും മാറ്റിസ്ഥാപിക്കണം
01:33 AM Nov 04, 2018 | Deepika.com