സ്ഥിരം സമിതി അധ്യക്ഷരെ തെരഞ്ഞെടുത്തു
10:56 PM Nov 03, 2018 | Deepika.com
പത്തനംതിട്ട: നഗരസഭയിലെ മൂന്ന് സ്ഥിരം സമിതികൾക്ക് പുതിയ അധ്യക്ഷർ. പൊതുമരാമത്ത് സ്റ്റാൻഡിംഗ് കമ്മിറ്റിയിൽ സജി കെ. സൈമണ്, വിദ്യാഭ്യാസ കലാകായിക സ്റ്റാൻഡിംഗ് കമ്മിറ്റിയിൽ ബിജിമോൾ മാത്യു, ക്ഷേമകാര്യ സ്റ്റാൻഡിംഗ് കമ്മിറ്റിയിൽ കെ. ജാസിംകുട്ടിയുമാണ് അധ്യക്ഷർ.യുഡിഎഫ് ധാരണപ്രകാരം ഒഴിവുവന്ന സ്ഥാനങ്ങളിലേക്കായിരുന്നു തെരഞ്ഞെടുപ്പ്. മുസ്്ലിംലീഗിലെ ബീന ഷെരീഫ് സ്ഥാനമൊഴിഞ്ഞതിനേ തുടർന്നാണ് കേരള കോണ്ഗ്രസ് എമ്മിലെ ബിജിമോൾ മാത്യു വിദ്യാഭ്യാസ സ്റ്റാൻഡിംഗ് കമ്മിറ്റി അധ്യക്ഷയായത്. കോണ്ഗ്രസിലെ ഏബൽ മാത്യു, കെ.ആർ. അരവിന്ദാക്ഷൻ നായർ എന്നിവർ സ്ഥാനമൊഴിഞ്ഞതിനേ തുടർന്നാണ് സജി കെ.സൈമണും ജാസിംകുട്ടിയും തെരഞ്ഞെടുക്കപ്പെട്ടത്.