പാവറട്ടി: പെരിങ്ങാട് സെന്റ് തോമസ് ദേവാലയത്തിൽ മാർ തോമാശ്ലീഹായുടെയും വിശുദ്ധ അൽഫോൻസാമ്മയുടെയും തിരുനാളിന് ഒരുക്കങ്ങൾ പൂർത്തിയായതായി ഭാരവാഹികൾ വാർത്താസമ്മേളനത്തിൽ അറിയിച്ചു.10,11 തീയതികളിലാണ് തിരുനാൾ ആഘോഷിക്കുന്നത്. വെള്ളിയാഴ്ച മുതൽ തിരുനാൾ ദിനം വരെ വൈകീട്ട് ആറുമണിക്ക് നവനാൾ ആചരണത്തിന് ഭാഗമായി ദിവ്യബലി ലദീഞ്ഞ് നൊവേന എന്നിവ ഉണ്ടായിരിക്കും.
ആഘോഷങ്ങൾ ചുരുക്കി സമാഹരിക്കുന്ന തുക കാരുണ്യ പ്രവർത്തനങ്ങൾക്കായി ചെലവഴിക്കും. പത്തിന് വൈകീട്ട് ആറു മണിക്കുള്ള ദിവ്യബലിയെ തുടർന്ന് വിശുദ്ധരുടെ തിരുസ്വരൂപങ്ങൾ എഴുന്നള്ളിച്ചു വയ്ക്കും. ഞായറാഴ്ച 10.30 നുള്ള ആഘോഷമായ തിരുനാൾ ഗാന പൂജയെ തുടർന്ന് തിരുനാൾ പ്രദക്ഷിണം നടക്കും. വൈകീട്ട് ആറുമണിക്ക് പെരിങ്ങാട് കാത്തലിക് അസോസിയേഷൻ ആഭിമുഖ്യത്തിൽ അവാർഡ് ദാനവും കലാസന്ധ്യയും ഉണ്ടായിരിക്കും.
ഫാ. ജോസഫ് പൂവത്തൂകാരൻ, ജനറൽ കണ്വീനർ വിൻസന്റ് വാഴപ്പിള്ളി, വി.ജെ. ബാബു, പി.എഫ്. പോൾ, ടി.സി. ജോഷി, എന്നിവർ വാർത്താ സമ്മേളനത്തിൽ പങ്കെടുത്തു.
തിരുനാൾ ഒരുക്കങ്ങൾ പൂർത്തിയായി
12:54 AM Nov 03, 2018 | Deepika.com