മലപ്പുറം: ആഗോള മുസ്ലിം പണ്ഡിത സഭയുടെ അഞ്ചാമത് ജനറൽ അസംബ്ലിക്ക് ഇന്നു തുർക്കിയിലെ ഇസ്തംബൂളിൽ തുടക്കമാകും. ഇന്നു വൈകുന്നേരം ഉദ്ഘാടനം നടക്കും. ആറുദിവസം നീണ്ടുനിൽക്കുന്ന ആഗോള പണ്ഡിത പ്രതിനിധി സംഗമത്തിനു തുടക്കാവുക. എട്ടിനു അസംബ്ലി സമാപിക്കും. ഇന്ത്യയിൽ നിന്നു സമസ്ത കേരള ജംഇയത്തുൽ ഉലമാ കേന്ദ്ര മുശാവറാംഗവും ദാറുൽഹുദാ ഇസ്ലാമിക് സർവകലാശാലാ വൈസ്ചാൻസലറുമായ ഡോ.ബഹാഉദ്ദീൻ മുഹമ്മദ് നദ്വി സംബന്ധിക്കും.
ഇസ്ലാമിക ലോകത്തെ മുസ്ലിം പണ്ഡിതരുടെ പ്രധാനപൊതുവേദിയാണ് ആഗോള പണ്ഡിത സഭ. അറബ്, അറേബതര രാജ്യങ്ങളിൽ നിന്നുള്ള മുസ്ലിം പണ്ഡിതർ പ്രതിനിധികളായസഭ 2004 ലാണ് രൂപീകരിച്ചത്. സംഘടനയുടെ ആസ്ഥാനം ഖത്തറിലാണ്. ശൈഖ് യൂസുഫ് ഖറദാവിയാണ് പണ്ഡിത സഭയുടെ അധ്യക്ഷൻ. പ്രമുഖ സുന്നി പണ്ഡിതനും ഇസ്ലാമിക സാന്പത്തിക ശാസ്ത്രത്തിലെ വിദഗ്ധനുമായ ഡോ. അലി മുഹ്യിദ്ദീൻ ഖുർറദാഗിയാണ് ജനറൽ സെക്രട്ടറി. നാലുവർഷത്തിലൊരിക്കലാണ് പണ്ഡിതസഭയുടെ ജനറൾ അസംബ്ലി നടക്കുക.സമസ്ത കേരള ജംഇയ്യത്തുൽ മുഅല്ലിമീൻ ജനറൽ സെക്രട്ടറി കൂടിയായ ഡോ. ബഹാഉദ്ദീൻ മുഹമ്മദ് നദ്വി 2012 മുതൽ ആഗോള മുസ്ലിം പണ്ഡിതസഭയിൽ അംഗമാണ്.
ആഗോള മുസ്ലിം പണ്ഡിതസഭ : ജനറൽ അസംബ്ലിയിൽ ഡോ. ബഹാഉദ്ദീൻ മുഹമ്മദ് നദ്വി പങ്കെടുക്കും
12:06 AM Nov 03, 2018 | Deepika.com