പാചക മത്സരം സംഘടിപ്പിച്ചു
12:06 AM Nov 03, 2018 | Deepika.com
പെരിന്തൽമണ്ണ: പോഷകാഹാര വാരാചരണത്തിന്റെ ഭാഗമായി താഴെക്കോട് ഗ്രാമപഞ്ചായത്ത് ഓഫീസിൽ സംഘടിപ്പിച്ച പഞ്ചായത്തുതല പാചക മത്സരം പ്രസിഡന്റ് എ.കെ.നാസർ ഉദ്ഘാടനം ചെയ്തു. വൈസ് പ്രസിഡന്റ് മറിയക്കുട്ടി തെക്കെക്കര അധ്യക്ഷത വഹിച്ചു. മെംബർമാരായ അഫ്സത്ത് ആലാലുക്കൽ, സി.എം.ഹംസ, ഖദീജ.എ.പി, കെ.കെ.ശങ്കുണ്ണി, സജിത, സീനത്ത് പുത്തൂർ, ഷീല, മൊയ്തുപ്പു, ബിനിഷ, ഷീജ, സെക്രട്ടറി ജെസി, ഐസിഡിഎസ് സൂപ്പർവൈസർ ജമീല എന്നിവർ പങ്കെടുത്തു. 33 അങ്കണവാടികളെ പ്രതിനിധീകരിച്ചെത്തിയ 66 കൗമാരക്കാരായ പെണ്കിട്ടകളായിരുന്നു മത്സരാർഥികൾ. നാട്ടിൻ പുറങ്ങളിൽ ലഭിക്കുന്ന പച്ചക്കറികളും പഴങ്ങളും ധാന്യങ്ങളും ഇലകളും ഉപയോഗിച്ചായിരുന്നു രുചിയൂറുന്ന വിഭവങ്ങൾ തയാറാക്കിയിരുന്നത്.