ചാലക്കുടി: പ്രളയബാധിതരായ ചാലക്കുടി മണ്ഡലത്തിലെ വിവിധ സ്കൂളുകളിലെ പാവപ്പെട്ട വിദ്യാർഥികൾക്ക് നോട്ടുബുക്കുകൾ വിതരണം ചെയ്തു.
ചെർപ്പളശേരി സർവീസ് സഹകരണ ബാങ്കിന്‍റെ സഹായത്തോടെയാണ് നോട്ടുബുക്കുകൾ നൽകിയത്. ബി.ഡി.ദേവസി എംഎൽഎ നോട്ടുബുക്ക് വിതരണം ഉദ്ഘാടനംചെയ്തു. ചാലക്കുടി നഗരസഭ ചെയർപേഴ്സണ്‍ ജയന്തി പ്രവീണ്‍കുമാർ അധ്യക്ഷത വഹിച്ചു.
ചാലക്കുടി നഗരസഭ സ്റ്റാൻഡിംഗ് കമ്മിറ്റി ചെയർപേഴ്സണ്‍ ഗീത ടീച്ചർ, സർവീസ് ബാങ്ക് ചെർപ്പളശേരി പ്രസിഡന്‍റ് കെ.രാമൻകുട്ടിമാഷ്, ഹയർ സെക്കൻഡറി പ്രിൻസിപ്പാൾ പി.ശശികല ടീച്ചർ, എഇഒ ചാലക്കുടി പ്രസൂനൻ, ജിബിഎച്ച്എസ് ഹെഡ്മിസ്ട്രസ് പുഷ്പവല്ലി ടീച്ചർ, വിഎച്ച്എസ്ഇ പ്രിൻസിപ്പാൾ ജെയ്സി, ബിപിഒ മുരളിമാസ്റ്റർ എന്നിവർ പ്രസംഗിച്ചു. 40 സ്കൂളുകൾക്കായി 5500 ഓളം നോട്ടുബുക്കുകളാണ് വിതരണം ചെയ്തത്.
നോട്ടുബുക്കുകൾ വിതരണം ചെയ്തു
01:20 AM Nov 02, 2018 | Deepika.com