വെണ്ണിക്കുളം : ഇരുചക്ര വാഹനങ്ങൾ കൂട്ടിമുട്ടി ഉണ്ടായ അപകടത്തിൽ പരിക്കേറ്റ യുവാവ് മരിച്ചു. മാലയിൽ അണ്ടത്രമണ്ണിൽ തോമസ് സ്കറിയായുടെ മകൻ ഷാജി തോമസ് (34) ആണ് മരിച്ചത്. ഒക്ടോബർ 11ന് ചാലാപ്പള്ളിക്കു സമീപം കൊടക്കല്ലുങ്കലിലുണ്ടായ അപകടത്തിലാണ് പരിക്കേറ്റത്.
തലയിൽ ഗുരുതര പരിക്കേറ്റ ഷാജി രണ്ടാഴ്ചയായി തിരുവല്ലയിലെ സ്വകാര്യ മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. കുവൈത്തിലെ സ്വകാര്യ കന്പനിയിൽ ജീവനക്കാരനായ ഷാജി മാതാവിന്‍റെ ചികിത്സയെ തുടർന്നാണ് നാട്ടിലെത്തിയത്. സംസ്കാരം പിന്നീട് നടക്കും. തീയാടിക്കൽ കുരിശുമുട്ടം പുള്ളാനിയിൽ കുഞ്ഞമ്മയാണ് മാതാവ്.
സഹോദരങ്ങൾ : ഷിബു (കുവൈത്ത്), ഷീലമ്മ, ഷീബ.
ബൈക്കപകടത്തിൽ പരിക്കേറ്റ യുവാവ് മരിച്ചു
11:46 PM Oct 31, 2018 | Deepika.com