നിലന്പൂർ: നിലന്പൂരിൽ മോട്ടോർ വാഹന വകുപ്പ് ടൂറിസ്റ്റ് വാഹനങ്ങളുടെ പരിശോധന കർശനമാക്കി. കഴിഞ്ഞ ദിവസം നടത്തിയ വാഹന പരിശോധനയിൽ 15 കേസുകൾ രജിസ്റ്റർ ചെയ്തു.
അനധികൃതമായി ഉയർന്ന ശബ്ദത്തിൽ സൗണ്ട് സിസ്റ്റം ഉപയോഗിക്കുക, വാഹനത്തിൽ അലങ്കാര വിളക്കുകൾ പ്രവർത്തിപ്പിക്കുക, ഉയർന്ന ശബ്ദത്തിൽ ഹോണ് ഉപയോഗിക്കുക, ഡാൻസ് ഫ്ളോർ ഉപയോഗിക്കുക തുടങ്ങിയ കുറ്റങ്ങൾ ചുമത്തിയാണ് കേസെടുത്തത്. ഇത്തരത്തിലുള്ള പരിശോധനകൾ നടത്താൻ കഴിഞ്ഞ ദിവസം മുഴുവൻ വാഹനങ്ങളും ഹാജരാക്കാൻ ആവശ്യപ്പെട്ടതനുസരിച്ച് 50 വാഹനങ്ങൾ ഹാജരാക്കിയതിനെത്തുടർന്നു അധികൃതർ പരിശോധന നടത്തിയിരുന്നു.
വാഹന പരിശോധന: 15 കേസുകൾ രജിസ്റ്റർ ചെയ്തു
12:39 AM Oct 05, 2018 | Deepika.com