വെട്ടത്തൂർ: കാപ്പ് മേൽക്കുളങ്ങര ഗവണ്മെന്റ് എൽപി സ്കൂളിൽ അടിസ്ഥാന സൗകര്യങ്ങൾ നടപ്പാക്കുന്നത് ഒരുകോടി ചെലവിൽ. വെട്ടത്തൂർ പഞ്ചായത്ത്, എസ്എസ്എ എന്നിവയുടെ ഫണ്ടുകൾ ഉപയോഗിച്ച് ആറു ക്ലാസ് മുറികളാണ് നിർമിക്കുന്നത്. പഞ്ചായത്തിൽ നിന്നു 21.85 ലക്ഷം രൂപയും എസ്എസ്എ ഫണ്ടിൽ നിന്നു 38 ലക്ഷം രൂപയും അനുവദിച്ചു. ഇതിൽ പഞ്ചായത്ത് ഫണ്ട് ചെലവഴിച്ചുള്ള രണ്ടു ക്ലാസ് മുറികളുടെ നിർമാണം അവസാനഘട്ടത്തിലാണ്. എസ്എസ്എ ഫണ്ട് വിനിയോഗിച്ചുള്ള മറ്റു ക്ലാസ് മുറികളുടെ നിർമാണം പുരോഗമിക്കുകയാണ്. മൂന്നു ക്ലാസ് മുറികളിൽ ടൈൽസ് പാകി നവീകരിക്കുന്നതിനു പഞ്ചായത്തിൽ നിന്നു രണ്ടുലക്ഷം രൂപകൂടി അനുവദിക്കും.
മഞ്ഞളാംകുഴി അലി എംഎൽഎയുടെ പ്രാദേശിക വികസന ഫണ്ടിൽ നിന്നുനുവദിച്ച 40ലക്ഷം രൂപ ചെലവിൽ ചുറ്റുമതിൽ, ഗ്രൗണ്ട് വിപുലീകരണം എന്നിവയും നടപ്പാക്കും.
കാപ്പ് മേൽക്കുളങ്ങര സ്കൂൾ വികസനത്തിന് ഒരുകോടി
12:28 AM Sep 25, 2018 | Deepika.com