എടക്കര: ചുങ്കത്തറ സാമൂഹികാരോഗ്യ കേന്ദ്രത്തിൽ ആരംഭിക്കുന്ന ഡയാലിസിസ് സെൻററിലേക്ക് യന്ത്രം വാങ്ങുന്നതിന് പ്രവാസികളുടെ കൈത്താങ്ങ്.
ജിദ്ദ കേന്ദ്രമായി പ്രവർത്തിക്കുന്ന പ്രവാസി കൂട്ടായ്മയായ സൗദി എടക്കര വെൽഫെയർ അസോസിയേഷനാണ് (സേവ) രണ്ട് മെഷീനുകൾക്കുള്ള ഫണ്ട് കൈമാറിയത്.
സിഎച്ച്സിയിൽ നടന്ന ചടങ്ങിൽ ഭാരവാഹികളായ നജീബ് കളപ്പാടൻ, ടി.ടി.നാസർ എന്നിവർ ആശുപത്രി മാനേജ്മെൻറ് കമ്മിറ്റി ചെയർമാൻ പി.പി. സുഗതന് ഫണ്ട് കൈമാറി.കെ.ടി.കുഞ്ഞാൻ, എടക്കര ഗ്രാമപഞ്ചായത്ത് പ്രസിഡൻറ് ആലീസ് അന്പാട്ട്, വൈസ് പ്രസിഡൻറ് കബീർ പനോളി, സേവ പ്രതിനിധികളായ മീനാംകുഴിയൻ സലീം, കരീം പുന്നക്കാടൻ, മീനാംകുഴിയിൽ ജംഷി, ചുങ്കത്തറ പ്രവാസി പ്രതിനിധി ബഷീർ, വ്യാപാരി പ്രതിനിധി അബ്ദുൽ ഹക്കീം ചങ്കരത്ത്, ബ്ളോക്ക് മെഡിക്കൽ ഓഫീസർ ഡോ.അബ്ദുൽ ജലീൽ വല്ലാഞ്ചിറ എന്നിവർ സംബന്ധിച്ചു.
പ്രവാസി കൂട്ടായ്മയുടെ സഹായം കൈമാറി
12:50 AM Apr 07, 2017 | Deepika.com