പന്തളം: യുഡിഎഫ്, ബിജെപി കക്ഷികൾ ആഹ്വാനം ചെയ്ത ഹർത്താൽ പന്തളത്ത് പൂർണമായിരുന്നു. കടകന്പോളങ്ങൾ അട ഞ്ഞു കിടന്നു. കെഎസ്ആർടി സി സർവീസുകളൊന്നും നട ത്തിയില്ല. ഇരുകക്ഷികളുടെയും നേതൃത്വത്തിൽ രാവിലെ പ്രകടനം നടന്നു. യുഡിഎഫിന്റെ പ്രതിഷേധയോഗംകെപിസിസി അംഗം കെ.പ്രതാപൻ ഉദ്ഘാടനം ചെയ്തു. എൻ.ജി.സുരേന്ദ്രൻ, കെ.ആർ.വിജയകുമാർ, വൈ.യാക്കൂബ്, എ.നൗഷാദ് റാവുത്തർ, സുനിതാ വേണു, സോളമൻ വരവുകാലായിൽ തുടങ്ങിയവർ നേതൃത്വം നല്കി. ബിജെപിയുടെ പ്രകടനത്തിന് ബി.സുഭാഷ് കുമാർ, ഐഡിയൽ ശ്രീകുമാർ, സുമേഷ്കുമാർ,എം.ബി.ബിനുകുമാർ, റെജി പത്തിയിൽ, മനോജ്കുമാർ നേതൃത്വം നല്കി.
തിരുവല്ല: ജിഷ്ണു പ്രണോയിയുടെ കൂടുംബത്തിന് നേരെയുണ്ടായ പോലീസ് അതിക്രമത്തിൽ പ്രതിഷേധിച്ച് യുഡിഎഫും ബിജെപിയും ആഹ്വാനം ചെയ്ത ഹർത്താൽ തിരുവല്ലയിൽ പൂർണം. ശബരിമല,ശിവഗിരി തീർത്ഥാടകരെ ഒഴിവാക്കിയുള്ള ജനകീയ പ്രതിഷേധത്തിൽ മറ്റ് വാഹനങ്ങൾ ഒന്നും തന്നെ നിരത്തിൽ ഇറങ്ങിയില്ല. യുഡിഎഫ്, ബിജെപി നേതൃത്വത്തിൽ തിരുവല്ലയിൽ പ്രകടനം നടന്നു. എസ്സിഎസ് ജംഗ്ഷനിൽ നടന്ന യോഗം യുഡിഎഫ് ജില്ലാ കണ്വീനർ ജോ എണ്ണയ്ക്കാട് ഉദ്ഘാടനം ചെയ്തു. കെപിസിസി നിർവാഹക സമിതിയംഗം പ്രഫ. സതീഷ് കൊച്ചുപറന്പിൽ അധ്യക്ഷത വഹിച്ചു. ആർ.ജയകുമാർ, സതീഷ് ചാത്തങ്കരി, റോജി കാട്ടാശേരി, സെബാസ്റ്റ്യൻ കാടുവെട്ടൂർ, അജി തന്പാൻ, ജിജോ ചെറിയാൻ, ഈപ്പൻ കുര്യൻ, ഏബ്രഹാം കുന്നുകണ്ടത്തിൽ, ജേക്കബ് പി ചെറിയാൻ തുടങ്ങിയവർ പ്രസംഗിച്ചു.
പന്തളത്തും തിരുവല്ലയിലും ഹർത്താൽ പൂർണം
10:24 PM Apr 06, 2017 | Deepika.com