ചിമ്മിനി ഡാം തുറന്നു
01:00 AM Apr 06, 2017 | Deepika.com
വരന്തരപ്പിള്ളി: രണ്ടു ദിവസം അടച്ചിട്ട ചിമ്മിനി ഡാം ബുധനാഴ്ച തുറന്നു. മേഖലയിലെ രൂക്ഷമായ കുടിവെള്ള ക്ഷാമം കണക്കിലെടുത്താണ് ഡാം തുറന്നത്. വൈകീട്ട് നാലിനാണ് ഷട്ടർ തുറന്നത്. ഡിസ്പേർഷൻ വാൽവ് വഴി 0.3 എം.എം. ക്യൂബ് വെള്ളമാണ് തുറന്നുവിട്ടിരിക്കുന്നത്. ചരിത്രത്തിൽ ഏറ്റവും രൂക്ഷമായ വരൾച്ച നേരിടുന്ന ചിമ്മിനി ഡാമിൽ ബുധനാഴ്ച 7 എം.എം.ക്യൂബ് വെള്ളമാണ് അവശേഷിക്കുന്നത്. ആറാട്ടുപുഴ പൂരം കഴിഞ്ഞതിനു ശേഷമേ ഇനി ഡാം അടയ്ക്കുവെന്ന് ഇറിഗേഷൻ അധികൃതർ അറിയിച്ചു.