ആ​ടു​ക​ൾ കൂ​ട്ട​ത്തോ​ടെ ചാ​കു​ന്നു

ചാ​വ​ക്കാ​ട്: അ​ക​ലാ​ട് മേ​ഖ​ല​യി​ൽ ആ​ടു​ക​ൾ അ​ജ്ഞാ​ത രോ​ഗ​ത്തെ​ത്തു​ട​ർ​ന്ന് കൂ​ട്ട​ത്തോ​ടെ ചാ​കു​ന്നു. ഒ​രു വീ​ട്ടി​ലെ ഏ​ഴ് ആ​ടു​ക​ൾ ച​ത്തു. പ​ല വീ​ടു​ക​ളി​ലെ ആ​ടു​ക​ളും രോ​ഗ​ബാ​ധ​യേ​റ്റ് മൃ​ത​പ്രാ​യ​ത്തി​ലാ​ണ്. ഒ​ന്ന​ര​മാ​സ​മാ​യി ആ​ടു​ക​ളി​ൽ രോ​ഗ​ബാ​ധ കാ​ണാ​ൻ തു​ട​ങ്ങി​യി​ട്ട് മ​രു​ന്നു​ക​ൾ ന​ൽ​കു​ന്നു​ണ്ടെ​ങ്കി​ലും രോ​ഗ​കാ​ര​ണം വ്യ​ക്ത​മ​ല്ല.
പു​ന്ന​യൂ​ർ പ​ഞ്ചാ​യ​ത്തി​ലെ അ​ക​ലാ​ട് ബ​ദ​ർ​പ​ള്ളി ബീ​ച്ച് പ​ടി​ഞ്ഞാ​പ്പു​റ​ത്ത് ബാ​ദു​ഷ​യു​ടെ വീ​ട്ടി​ലെ ഏ​ഴ് ആ​ടു​ക​ൾ ച​ത്ത​ത് ഒ​ന്ന​ര​മാ​സ​ത്തി​നു​ള്ളി​ലാ​ണ്.
ഇ​ത്ത​ര​ത്തി​ലു​ള്ള രോ​ഗം ബാ​ധി​ച്ച് ഗു​രു​ത​രാ​വ​സ്ഥ​യി​ൽ മൂ​ന്ന് വീ​ടു​ക​ളി​ലാ​യി 12 ആ​ടു​ക​ൾ ചി​കി​ത്സ​യി​ലാ​ണ്. ഒ​രു വീ​ട്ടി​ലെ ആ​റ് ആ​ടു​ക​ൾ​ക്കും മ​റ്റ് ര​ണ്ട് വീ​ടു​ക​ളി​ലെ മൂ​ന്നു​വീ​തം ആ​ടു​ക​ൾ​ക്കാ​ണ് രോ​ഗ​ബാ​ധ.
ശ​രീ​ര​ത്തി​ൽ വ്ര​ണ​ങ്ങ​ൾ കാ​ണ​പ്പെ​ടു​ക​യും പി​ന്നീ​ട് രോ​മ​മി​ല്ലാ​ത്ത ഭാ​ഗ​ത്തെ വ്ര​ണ​ങ്ങ​ൾ വീ​ർ​ത്ത് പൊ​ട്ടി ര​ക്ത​മൊ​ലി​ക്കു​ന്നു. മൂ​ക്കി​ലും ക​ണ്ണി​ലും പൃ​ഷ്ട​ഭാ​ഗ​ത്തും പൊ​ട്ടി ര​ക്തം വ​രു​ന്നു. ക​ണ്ണി​ന്‍റെ കാ​ഴ്ച ന​ഷ്ട​പ്പെ​ടു​ന്നു. പൊ​ട്ടി​ഒ​ലി​ക്കു​ന്ന ര​ക്ത​ത്തി​ന് ക​ടു​ത്ത ദു​ർ​ഗ​ന്ധ​മാ​ണ്. ദി​വ​സ​ങ്ങ​ൾ​ക്കു​ള്ളി​ൽ പു​ഴു​വ​ന്ന് ആ​ട് ചാ​കു​ന്നു. ക​ണ്ടു​നി​ൽ​ക്കാ​ൻ ക​ഴി​യാ​ത്ത ദ​യ​നീ​യ അ​വ​സ്ഥ​യാ​ണ് ആ​ടു​ക​ൾ​ക്കെ​ന്ന് ഉ​ട​മ​ക​ൾ പ​റ​യു​ന്നു.
മൃ​ഗ​ഡോ​ക്ട​ർ വ​ന്ന് മ​രു​ന്ന് ന​ൽ​കു​ന്നു​ണ്ടെ​ങ്കി​ലും രോ​ഗ​മെ​ന്താ​ണെ​ന്നും കാ​ര​ണം എ​ന്താ​ണെ​ന്നും പ​റ​യു​ന്നി​ല്ല. ആ​ടു​ക​ൾ​ക്കും ചെ​മ്മ​രി​യാ​ടു​ക​ൾ​ക്കും പി​ടി​കൂ​ടു​ന്ന ഓ​ർ​ഫ് എ​ന്ന വൈ​റ​സാ​ണ് രോ​ഗ​കാ​ര​ണ​മെ​ന്ന് ക​രു​തു​ന്നു. ചെ​റു​പ്രാ​യ​ത്തി​ലു​ള്ള ആ​ടു​ക​ളി​ലാ​ണ് ഇ​ത്ത​രം വൈ​റ​സ് കാ​ണു​ക​യ​ത്രെ.
മൂ​ക്കി​ലും വാ​യ​യി​ലും പി​ടി​കൂ​ടു​ന്ന രോ​ഗം പി​ന്നീ​ട് ശ​രീ​ര​ഭാ​ഗ​ത്തേ​ക്ക് പ​ട​രും ഇ​ത്ത​ര​ത്തി​ലു​ള്ള രോ​ഗം ഒ​രു​മാ​സം​കൊ​ണ്ട് സു​ഖ​പ്പെ​ടു​മെ​ങ്കി​ലും വ​ള​ർ​ത്തു മൃ​ഗ​ത്തി​ന്‍റെ പു​റ​ത്ത് മു​റി​വു​ണ്ടെ​ങ്കി​ൽ മ​ര​ണ​ത്തി​ന് കാ​ര​ണ​മാ​കു​മെ​ന്നാ​ണ് മൃ​ഗ​ഡോ​ക്ട​ർ ചൂ​ചി​പ്പി​ക്കു​ന്ന​തെ​ന്ന് വീ​ട്ടു​കാ​ർ പ​റ​ഞ്ഞു.
മ​നു​ഷ്യ​രി​ലേ​ക്ക് പ​ട​രാ​ൻ സാ​ധ്യ​ത​യു​ണ്ടെ​ന്നും ആ​ടു​ക​ളെ പ​രി​ച​രി​ക്കു​ന്പോ​ൾ കൈ​യു​റ​ധ​രി​ക്ക​ണ​മെ​ന്നും പ​റ​യു​ന്നു.
പു​ന്ന​യൂ​ർ പ​ഞ്ചാ​യ​ത്തി​ന്‍റെ തീ​ര​മേ​ഖ​ല​യി​ൽ ആ​ട്കൃ​ഷി വ്യാ​പ​ക​മാ​ണ്. പ​ല കു​ടും​ബ​ത്തി​ന്‍റെ ജീ​വി​ത​മാ​ർ​ഗം ത​ന്നെ ആ​ട് കൃ​ഷി​യാ​ണ്. അ​ജ്ഞാ​ത​രോ​ഗം ഇ​വി​ടെ ആ​ശ​ങ്ക പ​ര​ത്തി​യി​ട്ടു​ണ്ട്.