വ്യാ​ജ​മ​ദ്യം ത​ട​യാ​ൻ പ​രി​ശോ​ധ​ന ശ​ക്തം

എ​ട​ക്ക​ര: ദേ​ശീ​യ​പാ​ത​യോ​ര​ങ്ങ​ളി​ലെ മ​ദ്യ​ശാ​ല​ക​ളും ബീ​വ​റേ​ജ്​സ് ഒൗ​ട്ട്‌‌ലെറ്റു​ക​ളും അ​ട​ച്ചു​പൂ​ട്ടി​യ​തോ​ടെ വ്യാ​ജ​മ​ദ്യ​ത്തി​ന്‍റെ ഒ​ഴു​ക്കു ത​ട​യാ​ൻ എ​ക്സൈ​സ് വകു​പ്പ് പ​രി​ശോ​ധ​ന ക​ർ​ശ​ന​മാ​ക്കി. ഏ​പ്രി​ൽ ഒ​ന്നാം തി​യ​തി മു​ത​ൽ ആ​രം​ഭി​ച്ച സ്പെ​ഷ​ൽ ഡ്രൈ​വ് ഈ ​മാ​സം ഇ​രു​പ​തു വ​രെ തു​ടരും.
ഓ​ണം, ക്രി​സ്മ​സ് വേ​ള​ക​ളി​ൽ മാ​ത്ര​മാ​ണ് എ​ക്സൈ​സ് സ്പൈ​ഷ​ൽ ഡ്രൈ​വു​ക​ൾ ന​ട​ത്താ​റ്. എ​ന്നാ​ൽ മ​ദ്യ​നി​രോ​ധ​ന​വും മ​ല​പ്പു​റം ഉ​പ​തെ​ര​ഞ്ഞെ​ടു​പ്പും പ്ര​മാ​ണി​ച്ചാ​ണ് പ്ര​ത്യേ​ക പ​രി​ശോ​ധ​ന ന​ട​ത്തു​ന്ന​ത്. കി​ഴ​ക്ക​ൻ മേ​ഖ​ല​യി​ൽ അ​ന്ത​ർ​സം​സ്ഥാ​ന പാ​ത​യാ​യ നാ​ടു​കാ​ണി​ച്ചു​രം വ​ഴി​യു​ള്ള മ​ദ്യ​ക്ക​ട​ത്ത് ത​ട​യാ​ൻ പ്ര​ത്യേ​ക സം​ഘം ക​ർ​ശ​ന വാ​ഹ​ന പ​രി​ശോ​ധ​ന തു​ട​ങ്ങി.
മ​ല​യോ​ര​ങ്ങ​ളി​ൽ വ്യാ​ജ​മ​ദ്യ നി​ർ​മാ​ണ​വും വി​ൽ​പ്പ​ന​യും ത​ട​യു​ന്ന​തി​നു പ്ര​ത്യേ​ക സം​ഘ​ത്തെ നി​യോ​ഗി​ച്ചി​ട്ടു​ണ്ട്. മ​ല​പ്പു​റം ജി​ല്ല​യി​ൽ അ​താ​ത് റേ​ഞ്ചു​ക​ളു​ടെ പ​രി​ധി​യി​ലെ ഉ​ദ്യോ​ഗ​സ്ഥ​ർ പ​രി​ശോ​ധ​ന​ക​ൾ​ക്ക് നേ​തൃ​ത്വം ന​ൽ​കും. ഇ​തി​നു പു​റ​മെ വ​ന​യോ​ര മേ​ഖ​ല​ക​ളി​ൽ വ്യാ​ജ​മ​ദ്യ നി​ർ​മാ​ണം ത​ട​യു​ന്ന​തി​നു വ​നം​വ​കു​പ്പു​മാ​യി ചേ​ർ​ന്നു പ​രി​ശോ​ധ​ന​ക​ൾ ന​ട​ത്തും.
ജി​ല്ല​യി​ൽ തി​രൂ​രി​ൽ മാ​ത്ര​മാ​ണ് ബീ​വ​റേ​ജ്​സ് കോ​ർ​പ​റേ​ഷ​ന്‍റെ ചി​ല്ല​റ വി​ൽ​പ്പ​ന ശാ​ല​യു​ള്ള​ത്. നി​ല​ന്പൂ​ർ മേ​ഖ​ല​യി​ൽ ര​ണ്ടു ബീ​വ​റേ​ജ്​സ് ഒൗ​ട്ട്‌‌ലെറ്റു​ക​ളും നാ​ല് ബി​യ​ർ പാ​ർ​ല​റു​ക​ളും കോ​ട​തി ഉ​ത്തി​വി​നെ​ത്തു​ട​ർ​ന്ന് അ​ട​ച്ചു​പൂ​ട്ടി​യി​ട്ടു​ണ്ട്.
എ​ന്നാ​ൽ ഗൂ​ഡ​ല്ലൂ​ർ താ​ലൂ​ക്കി​ൽ കോ​ട​തി റോ​ഡി​ൽ ഒ​രു ബാ​റും ഉ​പ്പ​ട്ടി​യി​ലും മ​ണ്ണു​വ​യ​ലും ത​മി​ഴ്നാ​ട് ബീ​വ​റേ​ജ​്സ് കോ​ർ​പ​റേ​ഷ​ന്‍റെ ഒ​രോ ഒൗ​ട്ട്‌‌ലെറ്റു​ക​ളും പ്ര​വ​ർ​ത്തി​ക്കു​ന്നു​ണ്ട്. നി​ല​ന്പൂ​ർ മേ​ഖ​ല​യി​ൽ നി​ന്നു ഗൂ​ഡല്ലൂ​ർ ഭാ​ഗ​ത്തേ​ക്ക് വാ​ഹ​ന സൗ​ക​ര്യ​മു​ള്ള​തി​നാ​ൽ മ​ദ്യ​പ​ർ ത​മി​ഴ്നാ​ട്ടി​ലേ​ക്കു വ്യാ​പ​ക​മാ​യി എ​ത്തി​ത്തു​ട​ങ്ങി​യി​ട്ടു​ണ്ട്. ഇ​വി​ടെ​നി​ന്നു മ​ല​പ്പു​റം ജി​ല്ല​യി​ലേ​ക്ക് മ​ദ്യ​മൊ​ഴു​കാ​ൻ കൂ​ടു​ത​ൽ സാ​ധ്യ​ത​ക​ളാ​ണു​ള്ള​ത്. എ​ക്സൈ​സ് വ​കു​പ്പി​ന്‍റെ പ​രി​ശോ​ധ​ന​ക്ക് പു​റ​മെ നാ​ടു​കാ​ണി​ച്ചു​ര​ത്തി​ൽ പോ​ലീ​സി​ന്‍റെ പ​രി​ശോ​ധ​ന​യും ന​ട​ക്കു​ന്നുണ്ട്.