പുക്കോട്ടുംപാടം: വേനൽ രൂക്ഷമായതോടെ കുടിവെള്ള ക്ഷാമം തീർക്കാനായി ജനകീയ സമിതിയുടെ നേതൃത്വത്തിൽ തേൾപ്പാറ കൊന്പൻക്കല്ല് നിവാസികൾക്ക് കുടിവെള്ളമെത്തിച്ചു. മുപ്പത്തിയഞ്ചോളം കുടുംബങ്ങൾക്ക് ഇതു ആശ്വാസമായി.
പൊട്ടിക്കല്ലിലെ അഫ്സലിന്റെ വാഹനത്തിലാണ് വെള്ളമെത്തിക്കുന്നത്. അഫ്സൽ വാടകയും ഇന്ധന ചെലവും എടുക്കാതെയാണ് വാഹനം ഓടിക്കുന്നത്. പൊട്ടിക്കല്ലിലെ ഹൈദരാലി (മാനുട്ടി), കാഞ്ഞിരംപാറ അബ്ദുൾ അസീസ് (കുഞ്ഞാക്ക) എന്നിവർ ഒരോ ടാങ്ക് വിതം നല്കി സഹായിച്ചു. ചേറേക്കുന്നൻ അലവിയുടെ കിണറിൽ നിന്നാണ് വെളളമെടുക്കുന്നത്. വിവരമറിഞ്ഞു പലരും സഹായവുമായി രംഗത്തെത്തിയിട്ടുണ്ട്. വരന്പൻ കുഞ്ഞിപ്പ, പിലാക്കാടൻ മജീദ് എന്നിവർ നേതൃത്വം നല്കി.
കുടിവെള്ളം എത്തിച്ചു
12:30 AM Apr 05, 2017 | Deepika.com