കയ്പമംഗലം : മതിലകം ഗ്രാമ പഞ്ചായത്ത് 2016-17 വാർഷിക പദ്ധതിയിൽ ഉൾപ്പെട്ട ആട് ഗ്രാമം പദ്ധതിയുടെ ഉദ്ഘാടനം പഞ്ചായത്ത് പ്രസിഡന്റ് ഇ.ജി. സുരേന്ദ്രൻ നിർവഹിച്ചു.
പദ്ധതി വഴി അഞ്ച് അംഗങ്ങൾ വീതമുള്ള തെരെഞ്ഞെടുക്കപ്പെട്ട വനിത ഗ്രൂപ്പുകൾക്ക് ഒരു അംഗത്തിന് മൂന്ന് ആടുകൾ എന്ന കണക്കിന് ഗ്രൂപ്പിന് ആകെ 15 ആടുകൾ ആണ് വിതരണം ചെയ്തതത്. വെറ്ററിനറി സീനിയർ സർജൻ ഡോ. ഫ്രാൻസിസ് സെബാസ്റ്റ്യൻ സ്വാഗതം പറഞ്ഞു. പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർമാൻ വി. എസ്. രവീന്ദ്രൻ , ആരോഗ്യ സ്റ്റാൻഡിംഗ് കമ്മിറ്റി ചെയർപേഴ്സണ് അനി റോയ് , പാപ്പിനിവട്ടം ബാങ്ക് പ്രസിഡന്റ് മുഹമ്മദ് ഷെഫീർ, ഭരണസമിതി അംഗങ്ങൾ എന്നിവർ സംബന്ധിച്ചു.
ആട് ഗ്രാമം പദ്ധതി ഉദ്ഘാടനം ചെയ്തു
12:59 AM Mar 31, 2017 | Deepika.com