നടത്തറ: ഉത്പാദന മേഖലയ്ക്ക് ഉൗന്നൽ നൽകിക്കൊണ്ട് നടത്തറ ഗ്രാമപഞ്ചായത്ത് ബജറ്റ് പഞ്ചായത്ത് വൈസ് പ്രസിഡന്റ് വത്സല രാമകൃഷ്ണൻ അവതരിപ്പിച്ചു.
ഉത്പ്പാദനമേഖലയ്ക്ക് ഉൗന്നൽ നൽകുന്നതിലൂടെ ഭക്ഷ്യ സ്വയംപര്യാപ്തത നേടുകയാണ് ബജറ്റിന്റെ ലക്ഷ്യമെന്നും വൈസ് പ്രസിഡന്റ് പറഞ്ഞു. മണ്ണ്, ജലം എന്നിവ സംരക്ഷിക്കുന്നതിനു പ്രത്യേക ശ്രദ്ധ ബജറ്റിൽ കാണിച്ചിട്ടുണ്ട്. തരിശുകിടക്കുന്ന ഭൂമി കൃഷിയോഗ്യമാക്കുന്നതിനും ജലസേചനപദ്ധതികൾക്കും കാർഷിക വിളകൾക്കും വിപണി ഉറപ്പുവരുത്തുന്ന പദ്ധതികൾക്കും ബജറ്റിൽ പ്രാധാന്യം നൽകും.
എല്ലാവർക്കും വീട്, വെള്ളം, വൈദ്യുതി എന്നിവ ഉറപ്പുവരുത്തും. മാലിന്യപ്രശ്നങ്ങൾ പരിഹരിക്കുന്നതിനു സെന്ററുകളിലെ ജൈവമാലിന്യം ശേഖരിച്ച് ജൈവവളം ഉത്പ്പാദിപ്പിക്കുന്നതിനും വീടുകളിലെ മാലിന്യം ഉറവിടത്തിൽ തന്നെ സംസ്കരിക്കുന്നതിനുമുള്ള പദ്ധതികൾക്കും ബജറ്റിൽ തുക വകയിരുത്തി.
കുടിവെള്ളം 50 ലക്ഷം, ശുചിത്വം 82,5000, പൊതു ആരോഗ്യം എട്ടുലക്ഷം, മരുന്നുകൾ 3,50,000, ഉത്പാദനമേഖലയ്ക്ക് 15945000, റോഡിന് 1,50,00,000, ശ്മശാനം പണിയുന്നതിനു 20,00,000 എന്നിങ്ങനെ തുക വകയിരുത്തി. പഞ്ചായത്ത് പ്രസിഡന്റ് പി.ആർ.രജിത്ത് അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി ചെയർമാൻമാരും, വാർഡ് മെന്പർമാരും പങ്കെടുത്തു.
ഉത്പാദന മേഖലയ്ക്ക് ഉൗന്നൽ
12:58 AM Mar 31, 2017 | Deepika.com