വണ്ടൂർ: ബൈക്കിൽ ബസിടിച്ചുണ്ടായ അപകടത്തിൽ തമിഴ്നാട് സ്വദേശികളായ രണ്ടു യുവാക്കൾ മരിച്ചു. തമിഴ്നാട് ദിണ്ടിഗൽ സ്വദേശികളായ അളഗമല്ലൈ (30), ശിവ (35) എന്നിവരാണ് മരിച്ചത്. ഇന്നലെ ഉച്ചയ്ക്ക് 12 ഓടെ വണ്ടൂർ-മഞ്ചേരി പാതയിൽ താഴെ കോഴിപ്പറന്പ് റേഷൻകടയ്ക്കു സമീപമാണ് അപകടം.
മഞ്ചേരി ഭാഗത്തേക്കു പോവുകയായിരുന്ന ബെക്കിൽ എതിരെ വന്ന സ്വകാര്യ ബസ് ഇടിക്കുകയായിരുന്നു. ശിവ സംഭവ സ്ഥലത്തുവച്ചു മരിച്ചു. വർഷങ്ങളായി കേരളത്തിലുള്ള അളഗമല്ലൈ നടുവത്തുള്ള മണ്ണുമാന്തി യന്ത്രത്തിലെ ഡ്രൈവറായിരുന്നു. ശിവ ചെങ്കൽ ക്വാറിയിലെ തൊഴിലാളിയാണ്. വണ്ടൂർ പോലിസ് ഇൻക്വസ്റ്റ് നടത്തിയ മൃതദേഹം പോസ്റ്റുമോർട്ടിത്തിനായി നിലന്പൂർ ജില്ലാ ആശുപത്രിയിലേക്കു മാറ്റി.
ബൈക്കും ബസും കൂട്ടിയിടിച്ച് രണ്ടു തമിഴ്നാട് സ്വദേശികൾ മരിച്ചു
09:44 PM Mar 30, 2017 | Deepika.com