മാള: പാറപ്പുറം ശ്രീഹനുമാൻ സ്വാമി ക്ഷേത്രത്തിൽ ഏപ്രിൽ മൂന്ന്, നാല്, അഞ്ച് തീയതികളിൽ വിവിധ പരിപാടികളോടെ താലപ്പൊലി മഹോത്സവം നടത്തപ്പെടുമെന്നു ഭാരവാഹികൾ മാളയിൽ പത്രസമ്മേളനത്തിൽ പറഞ്ഞു. ഏപ്രിൽ മൂന്നിനു വൈകീട്ട് 6.45നു ദീപാരാധന, പ്രസാദ ശുദ്ധി, പുണ്യാഹം, വാസ്തുബലി, അത്താഴപൂജ എന്നീ പരിപാടികൾ നടത്തപ്പെടും.
രണ്ടാം ദിനമായ ചൊവ്വാഴ്ച ഗണപതി ഹവനം, ഉഷപൂജ, ഉച്ചപൂജ, വൈകീട്ട് ഏഴിനു 0.5 സതീഷ് കൊടകര നയിക്കുന്ന പ്രഭാഷണവും ഉണ്ടായിരിക്കം. വിവിധ കലാപരിപാടികളും നടത്തപ്പെടും. മൂന്നാം ദിനമായ ബുധനാഴ്ച രാവിലെ അഞ്ചുമുതൽ ഗണപതിഹവനം, ഉഷപൂജ, പഞ്ചവിംശതി കലശപൂജ, കലശാഭിഷേകം, ഉച്ചപൂജ, പ്രസാദ ഉൗട്ട്, ദീപാരാധന, താലം വരവ്, നാടൻപാട്ടുകൾ, കളരി നാട്ടറിവ്, ഗുരുതിപൂജ, ഗുരുതി തർപ്പണം എന്നീ പരിപാടികൾ നടത്തപ്പെടും.
ഏപ്രിൽ 17 മുതൽ 24 വരെ ആചാര്യൻ യാഗാനന്ദനാഥന്റെ നേതൃത്വത്തിൽ താന്ത്രികപൂജ, പഠനശിബിരം നടത്തപ്പെടുമെന്നും ഭാരവാഹികൾ പത്രസമ്മേളനത്തിൽ പറഞ്ഞു. അപ്പു തന്ത്രി എം.ജെ.സുമേഷ്, ടി.കെ.കുഞ്ഞപ്പൻ എന്നിവർ പത്രസമ്മേളനത്തിൽ പങ്കെടുത്തു.
പാറപ്പുറം ക്ഷേത്രത്തിലെ താലപ്പൊലി മഹോത്സവം മൂന്നുമുതൽ
01:36 AM Mar 30, 2017 | Deepika.com