കൊരട്ടി: വഴിച്ചാൽ -റെയിൽവേ പ്രദേശത്തെ ബിവറേജ് ഔട്ട് ലെറ്റ് സ്ഥാപിക്കാനുള്ള നീക്കത്തിനെതിരെ ജനകീയ പ്രതിഷേധ കൂട്ടായ്മ സംഘടിപ്പിച്ചു. തുടർന്ന് വിപുലമായ സമരപരിപാടികൾക്കു രൂപം കൊടുക്കുന്നതിന്റെ ഭാഗമായി
ജനപ്രതിനിധികളേയും വിവിധ രാഷ്ട്രീയ മത-സാമൂഹിക സാംസ്കാരിക സംഘടനകളേയും പങ്കെടുപ്പിച്ചുകൊണ്ട്
ഇന്ന് വൈകീട്ട് 5.30-ന് വഴിച്ചാൽ പള്ളി പരിസരത്തുവച്ച് വിപുലമായ യോഗം ചേരുവാനും ആക്ഷൻ കൗൺസിൽ
രൂപീകരിക്കുവാനും തീരുമാനിച്ചു.
പഞ്ചായത്ത് വൈസ് പ്രസിഡന്റ് ജെയ്നി ജോഷിയുടെ അധ്യക്ഷതയിൽ ചേർന്ന യോഗത്തിൽ വാർഡ് മെന്പർ ഡേവിസ് മൂലൻ, സി.ആർ. അജേഷ്, എ.വി. ഷാജഹാൻ, എം.ഡി. പോൾ, സുശീല ടീച്ചർ , ലില്ലി പൗലോസ്, പി.ജി. സത്യപാലൻ, ഷീല രാജൻ, പോൾ ആച്ചാണ്ടി, ബേബി കല്ലൂക്കാരൻ എന്നിവർ സംസാരിച്ചു.
മദ്യശാലയ്ക്കെതിരെ ജനകീയ കൂട്ടായ്മ സംഘടിപ്പിച്ചു
01:01 AM Mar 29, 2017 | Deepika.com