ബൈ​ക്ക​പ​ക​ട​ത്തി​ൽ വി​ദ്യാ​ർ​ഥി മ​രി​ച്ചു

എ​ട​ക്ക​ര : ബൈ​ക്ക​പ​ക​ട​ത്തി​ൽ പ്ല​സ്ടു വി​ദ്യാ​ർ​ഥി മ​രി​ച്ചു. സ​ഹ​പാ​ഠി​ക്ക് ഗു​രു​ത​ര​മാ​യി പ​രി​ക്കേ​റ്റു. പാ​ലാ​ങ്ക​ര കു​ട്ട​പ്പി​ലാ​ക്ക​ൽ കു​ഞ്ഞി​മു​ഹ​മ്മ​ദി​ന്‍റെ മ​ക​ൻ ആ​ഷി​ക് (18) ആ​ണ് മ​രി​ച്ച​ത്. പാ​ലാ​ങ്ക​ര നാ​ര​ങ്ങാ​മൂ​ല കാ​ത്ത​നാ​ശേ​രി ബി​ജു​വി​ന്‍റെ മ​ക​ൻ ജു​ബി(18)​നാ​ണ് പ​രി​ക്കേ​റ്റ​ത്. ഇ​ന്ന​ലെ രാ​വി​ലെ എ​ട്ട​ര​യോ​ടെ കാ​റ്റാ​ടി​ക്ക​ട​വ് പാ​ല​ത്തി​ന് സ​മീ​പ​മാ​ണ് അ​പ​ക​ടം.
മ​റ്റൊ​രു വാ​ഹ​ന​ത്തെ മ​റി​ക​ട​ക്കാ​ൻ ശ്ര​മി​ക്കു​ന്ന​തി​നി​ടെ നി​യ​ന്ത്ര​ണം വി​ട്ട ബൈ​ക്ക് മ​റി​യു​ക​യും, തെ​റി​ച്ചു​വീ​ണ വി​ദ്യാ​ർ​ഥി​ക​ളി​ലൊ​രാ​ൾ സ​മീ​പ​ത്തെ പോ​സ്റ്റി​ലും, മ​റ്റേ​യാ​ൾ എ​തി​രെ വ​ന്ന കാ​റി​ലും വ​ന്നി​ടി​ക്കു​ക​യാ​യി​രു​ന്നു. വി​ദ്യാ​ർ​ഥി​ക​ളു​ടെ വ​ര​വ് ക​ണ്ട് എ​തി​രെ വ​ന്ന കാ​ർ ബ്രേ​ക്കി​ട്ട് നി​ർ​ത്തി​യി​രു​ന്നു.
എ​ട​ക്ക​ര​യി​ലെ പാ​ര​ല​ൽ വി​ദ്യാ​ഭ്യാ​സ സ്ഥാ​പ​ന​ത്തി​ലെ പ്ല​സ്ടു വി​ദ്യാ​ർ​ഥി​ക​ളാ​യി​രു​ന്നു ഇ​രു​വ​രും. പാ​ലേ​മാ​ട് ശ്രീ​വി​വേ​കാ​ന​ന്ദ ഹ​യ​ർ സെ​ക്ക​ൻ​ഡ​റി സ്കൂ​ളാ​ണ് ഇ​വ​രു​ടെ പ​രീ​ക്ഷ കേ​ന്ദ്രം. ഇ​ന്ന​ലെ ന​ട​ക്കു​ന്ന അ​വ​സാ​ന പ​രീ​ക്ഷ എ​ഴു​താ​നാ​ണ് കൂ​ട്ടു​കാ​രാ​യ ഇ​വ​ർ ബൈ​ക്കി​ൽ പോ​യ​ത്.
കാ​റ്റാ​ടി​പ്പാ​ലം ക​ഴി​ഞ്ഞു​ള​ള ചെ​റി​യ വ​ള​വി​ലാ​ണ് അ​പ​ക​ടം. ആ​ഷി​ഖി​നെ പെ​രി​ന്ത​ൽ​മ​ണ്ണ അ​ൽ​ഷി​ഫ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ര​ക്ഷി​ക്കാ​ൻ ക​ഴി​ഞ്ഞി​ല്ല. ആ​മി​ന​യാ​ണ് മാ​താ​വ്. സ​ഹോ​ദ​ര​ങ്ങ​ൾ : അ​സ്ന, സു​നീ​ർ. ക​ബ​റ​ട​ക്കം ഇ​ന്നു രാ​വി​ലെ എ​ട്ടി​ന് മൂ​ത്തേ​ടം വ​ലി​യ ജു​മാ​മ​സ്ജി​ദ് ക​ബ​ർ​സ്ഥാ​നി​ൽ. ന​ട്ടെ​ല്ലി​ന് പ​രി​ക്കേ​റ്റ ജു​ബി​നെ മ​ഞ്ചേ​രി മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു.