മലപ്പുറം: മലപ്പുറത്തെ മതരാഷ്ട്രീയം തകർത്തെറിയണമെന്ന് ബിജെപി ദേശീയ സെക്രട്ടറി എച്ച്.രാജ. മലപ്പുറം ഉപതെരഞ്ഞെടുപ്പിന്റെ ഭാഗമായി നടന്ന എൻഡിഎ കണ്വൻഷൻ ഉദ്ഘാടനം ചെയ്യുകയായിരുന്നു അദ്ദേഹം.
മതരാഷ്ട്രീയത്തെ തകർത്തു ദേശീയതക്കൊപ്പം അണിനിരന്ന ഉത്തർപ്രദേശിലെ ജനങ്ങളെ കേരളീയർ മാതൃകയാക്കണം. ജനങ്ങൾ ആഗ്രഹിക്കുന്ന വികസനമാണ് നരേന്ദ്ര മോദി സർക്കാരിന്റെ അജണ്ട. എൻഡിഎ സ്ഥാനാർഥി വിജയിച്ചാൽ പാർലമെന്റിൽ പ്രതിപക്ഷത്തിരിക്കുന്ന വെറുമൊരു എംപിയെയായിരിക്കില്ല ലഭിക്കുക, പകരം കേരളത്തിന്റെ സ്വന്തമായൊരു കേന്ദ്രമന്ത്രിയെ ആയിരിക്കുമെന്നു രാജ പറഞ്ഞു. മണിപ്പൂരിലെ ജനങ്ങളുടെ പാത മലപ്പുറം ജനതയും പിന്തുടരണം. എൽഡിഎഫ് ഭരിക്കുന്ന കേരളത്തിൽ വികസന മുരടിപ്പ് നേരിടുകയാണ്. എന്നാൽ ബിജെപി ഭരിക്കുന്ന മണ്ഡലങ്ങൾ ഒന്നു പരിശോധിക്കൂ, സമഗ്രമായ വികസനമാണ് അവിടങ്ങളിലെല്ലാം നടക്കുന്നത്. പി.കെ.കുഞ്ഞാലിക്കുട്ടി ജയിച്ച് പാർലമെന്റിൽ പോയാൽ മുസ്ലിംലീഗിന് ഒരു എംപി കൂടുമെന്നെല്ലാതെ കേരളത്തിനായി ഒന്നും ചെയ്യാനാകില്ല- അദ്ദേഹം പറഞ്ഞു.
യോഗത്തിൽ എൻഡിഎ ജില്ലാ ചെയർമാൻ കെ.രാമചന്ദ്രൻ അധ്യക്ഷത വഹിച്ചു. ബിജെപി സംസ്ഥാന പ്രസിഡന്റ് കുമ്മനം രാജശേഖരൻ മുഖ്യപ്രഭാഷണം നടത്തി. ബിഡിജെഎസ് സംസ്ഥാന ജനറൽ സെക്രട്ടറി സുഭാഷ്ബാബു, കേരള കോണ്ഗ്രസ് ചെയർമാൻ പി.സി.തോമസ്, ഒ.രാജഗോപാൽ എംഎൽഎ, ജെആർഎസ് വർക്കിംഗ് പ്രസിഡന്റ് ഇ.പി.കുമാരദാസ് എന്നിവർ പ്രസംഗിച്ചു.
ബിജെപി ദേശീയ നിർവാഹക സമിതിയംഗങ്ങളായ സി.കെ.പദ്മനാഭൻ, പി.എസ്.ശ്രീധരൻപിള്ള, പി.കെ.കൃഷ്ണദാസ്, സംസ്ഥാന ജനറൽ സെക്രട്ടറിമാരായ എ.എൻ.രാധാകൃഷ്ണൻ, എം.ടി.രമേശ്, കെ.സുരേന്ദ്രൻ, ശോഭാസുരേന്ദ്രൻ, എം.ഗണേശൻ, സംസ്ഥാന വൈസ് പ്രസിഡന്റുമാരായ എൻ.ശിവരാജൻ, നിർമല കുട്ടികൃഷ്ണൻ, മേഖലാ പ്രസിഡന്റ്, വി.വി.രാജൻ, മേഖലാ ജനറൽ സെക്രട്ടറി കെ.നാരായണൻ, മേഖലാ സെക്രട്ടറി എം.പ്രേമൻ, ദേശീയ കൗണ്സിൽ അംഗങ്ങളായ പി.ടി.ആലിഹാജി, സി.വാസുദേവൻ, കെ.ജനചന്ദ്രൻ, ബിഡിജഐസ് സംസ്ഥാന ജനറൽ സെക്രട്ടറിമാരായ സുഭാഷ്വാസു, ടി.വി.ബാബു, സംഗീതാ വിശ്വനാഥൻ, ജെആർഎസ് വർക്കിംഗ് ചെയർമാൻ ഇ.കെ.കുമാരദാസ്, പിഎസ്പി സംസ്ഥാന ചെയർമാൻ കെ.കെ.പൊന്നപ്പൻ, ബിജു മേലാറ്റൂർ, നാഷണലിസ്റ്റ് കേരളാ കോണ്ഗ്രസ് സംസ്ഥാന പ്രസിഡന്റ് കുരുവിള മാത്യു, ബിഡിജഐസ് ജില്ലാ പ്രസിഡന്റ് ദാസൻ കോട്ടയ്ക്കൽ, ജില്ലാ സെക്രട്ടറിമാരായ പ്രദീപ് ചുങ്കപ്പള്ളി, ശിവാനന്ദൻ പൂതേരി, ഗിരീഷ് മേക്കാട് ജില്ലാ വൈസ് പ്രസിഡന്റ് സി.സുബ്രഹ്മണ്യൻ, ജില്ലാ വൈസ്പ്രസിഡന്റ് നാരായണൻ നല്ലാട്ട്, കേരളാ കോണ്ഗ്രസ് സംസ്ഥാന ജനറൽ സെക്രട്ടറി പി.ജെ.ബാബു, കേരളാ കോണ്ഗ്രസ് സംസ്ഥാന വൈസ് പ്രസിഡന്റ് അഹമ്മദ് തോട്ടത്തിൽ, സോഷ്യലിസ്റ്റ് ജനതാദൾ സംസ്ഥാന പ്രസിഡന്റ് വി.വി.രാജേന്ദ്രൻ, നാഷണൽ യൂത്ത് ഫ്രണ്ട് സംസ്ഥാന പ്രസിഡന്റ് ബിനു ചാക്കോ എന്നിവർ പങ്കെടുത്തു.
മലപ്പുറത്തെ മതരാഷ്ട്രീയം തകർത്തെറിയണം: എച്ച്.രാജ
12:51 AM Mar 23, 2017 | Deepika.com