പന്തളം: മകൾ ഓടിച്ചിരുന്ന സ്കൂട്ടറിനു പിന്നിലിരുന്ന വീട്ടമ്മ കെഎസ്ആർടിസി ബസിടിച്ച് മരിച്ചു. കുളനട ഉള്ളന്നൂർ തെക്കേക്കുറ്റിയിൽ മധുഭവനിൽ കുഞ്ഞച്ചന്റെ ഭാര്യ സരസമ്മയാണ്(65) മരിച്ചത്. മകൾ ശോഭ നിസാരപരിക്കുകളോടെ രക്ഷപ്പെട്ടു. ഇന്നലെ രാവിലെ പത്തരയോടെ കുളനട രണ്ടാം പുഞ്ചയ്ക്ക് സമീപം മാവലത്ത്പടിക്കൽ എംസി റോഡിലായിരുന്നു അപകടം.
കുളനട കവലയിലെത്തി സാധനങ്ങൾ വാങ്ങി വീട്ടിലേക്ക് മടങ്ങുകയായിരുന്നു ഇരുവരും. എംസി റോഡിൽ നിന്ന് ഉള്ളന്നൂർ റോഡിലേക്ക് തിരിയുന്പോൾ പിന്നിൽ നിന്നെത്തിയ കോട്ടയം-തിരുവനന്തപുരം സൂപ്പർ ഫാസ്റ്റ് ബസ് ഇടിക്കുകയായിരുന്നു. സംസ്കാരം ഇന്നു രണ്ടിന് വീട്ടുവളപ്പിൽ. മധു(കെഎസ്ഇബി, ഇലവുംതിട്ട), മായ എന്നിവരാണ് മറ്റു മക്കൾ. മരുമക്കൾ: ഓമനക്കുട്ടൻ(ബിഎസ്എഫ്), മണി, അനിൽ.
മകൾക്കൊപ്പം സ്കൂട്ടറിൽ സഞ്ചരിച്ച വീട്ടമ്മ ബസിടിച്ചു മരിച്ചു
07:56 AM Mar 22, 2017 | Deepika.com