എരുമപ്പെട്ടി: തലപ്പിള്ളി താലൂക്കിൽ ഉണ്ടായ ഭൂചലനത്തിൽ നാശനഷ്ടം സംഭവിച്ചവർക്കു മതിയായ ധനസഹായം നൽകണമെന്നാവശ്യപ്പെട്ട് മുഖ്യമന്ത്രിക്കും റവന്യൂ മന്ത്രിയും എംപി കത്തു നൽകി.
തുടർച്ചയായുണ്ടാകുന്ന ഭൂചലനങ്ങൾ സംബന്ധിച്ചു സമഗ്ര പഠനം നടത്തണമെന്നും ഇതിനായി പ്രഭവകേന്ദ്രം കണക്കാക്കി ഭൂകന്പമാപിനി പുനഃസ്ഥാ പിക്കണമെന്നും പി.കെ. ബിജു എംപി കത്തിലൂടെ ആവശ്യപ്പെട്ടു. ദേശമംഗലം പഞ്ചായത്തിലെ തലശേരിയിൽ വർഷങ്ങൾക്കുമുന്പ് റോഡിനോടു ചേർന്നുകിടക്കുന്ന കെട്ടിടത്തിൽ ഭൂകന്പമാപിനി സ്ഥാപിച്ചിരുന്നു.
എന്നാൽ വലിയ വാഹനങ്ങൾ കടന്നുപോകുന്പോൾ മാപിനിയിൽ ചലനങ്ങൾ രേഖപ്പെടുത്തുന്നതു ചൂണ്ട ിക്കാണിച്ച് അധികൃതർ ഭൂകന്പമാപിനി ഇവിടെനിന്നു മാറ്റുകയായിരുന്നു. തുടർച്ചയായുള്ള ഭൂചലനങ്ങളിൽ പരിഭ്രാന്തരാകുന്ന ദേശവാസികൾക്കു ബോധവത്കരണം നൽകണം. ഇതിനായി പ്രകൃതിദുരന്തനിവാരണ വകുപ്പിന്റെ സഹായം താലൂക്ക് പരിതിയിൽ എല്ലായ്പ്പോഴും ലഭ്യമാക്കണമെന്നും എംപി ആവശ്യപ്പെട്ടു. അടിയന്തര സഹായം ലഭ്യമാക്കാൻ ഇടപെടണമെന്നു കളക്ടറോട് എംപി ഫോണിലൂടെ ആവശ്യപ്പെട്ടതായും അറിയിച്ചു.
ധനസഹായം നല്കണം: പി.കെ. ബിജു എംപി
01:25 AM Mar 22, 2017 | Deepika.com