മൊബൈൽ ടവറിനെതിരേ പ്രക്ഷോഭം
12:38 AM Mar 22, 2017 | Deepika.com
മഞ്ചേരി: നടപടി ക്രമങ്ങൾ പാലിക്കാതെ നറുകര- ആലുംകുന്ന് റോഡിലെ നന്പിക്കുന്നിൽ പുതുതായി നിർമിക്കുന്ന മൊബൈൽ ടവറിനെതിരെ നാട്ടുകാർ പ്രക്ഷോഭത്തിലേക്ക്. ഗുരുതര ആരോഗ്യ പ്രശ്നങ്ങൾക്ക് കാരണമാകുമെന്നാരോപിച്ച് നാട്ടുകാർ ടവർ നിർമാണം തടഞ്ഞതോടെ നഗരസഭ സ്റ്റോപ്പ് മെമ്മൊ നൽകി. എന്നാൽ നിർമാണം താത്കാലികമായി നിർത്തിവച്ചെങ്കിലും പുനരാരംഭിക്കാനാണ് കന്പനിയുടെ ശ്രമം . ഇതിനെതിരെ നാട്ടുകാർ ആക്ഷൻ കമ്മിറ്റി രൂപീകരിച്ചു. ഭാരവാഹികൾ: എ.എം സൈതലവി (ചെയർമാൻ), കെ.പി രാവുണ്ണി, കൊടക്കാടൻ അസൈൻ, അബ്ദുൾ ഗഫൂർ (വൈസ് ചെയർമാൻ), എം.കെ മുനീർ (കണ്വീനർ), പി.എം അലി, മണ്ണിശേരി സലീം, ജലീൽ പരുധിനി (ജോ. കണ്വീനർ), എം.ടി ബഷീർ (ട്രഷറർ).