പൂക്കോട്ടുംപാടം: വീടുകൾക്ക് മുന്നിൽ കൊടി കുത്തിയതായി പരാതി. പൊട്ടിക്കല്ല് പരിയങ്കാട് വീടുകൾക്ക് മുന്നിലാണ് കൊടി കുത്തിയതായി കാണപ്പെട്ടത്.
ചുവന്ന നിറത്തിലുള്ള പുതിയ കൊടിയാണ് കുത്തിയിട്ടുള്ളത്. മഞ്ചേരിത്തൊടി രാമചന്ദ്രൻ, മില്ലുങ്ങൽ രാമൻ, ചെറുകാട്ട് കുന്നത്ത് സത്യഭാമ എന്നിവരുടെ വീടിനു മുന്നിലാണ് കൊടി കുത്തിയതായി കണ്ടത്. കഴിഞ്ഞദിവസം രാത്രിയാണ് സംഭവമെന്നു സംശയിക്കുന്നു.
മാവോയിസ്റ്റുകളാണെന്ന അഭ്യൂഹമുള്ളതിനാൽ നാട്ടുകാർ ഭീതിയിലാണ്.
നിലന്പൂർ സിഐ കെ.ജെ ദേവസ്യ, പൂക്കോട്ടുംപാടം എസ്ഐ അമൃത് രംഗൻ എന്നിവർ സ്ഥലത്തെത്തി കേസെടുത്ത് അന്വേഷണം ആരംഭിച്ചു.
വീടുകൾക്ക് മുന്നിൽ കൊടി കുത്തിയതായി പരാതി
12:37 AM Mar 22, 2017 | Deepika.com