തിരുവല്ല: റേഷൻ കടയിൽ നിന്ന് കരഞ്ചന്തയിലേക്ക് കടത്താൻ ശ്രമിച്ച അരി ബിജെപി പ്രവർത്തകരുടെ നേതൃത്വത്തിൽ പിടികൂടി.
മന്നങ്കരയിൽ സേമശേഖരപിള്ളയുടെ ഉടമസ്ഥതയിലുള്ള റേഷൻകടയിൽ നിന്നാണ് കടത്താൻ ശ്രമിച്ച അരി പിടികൂടിയത്.
അരിയും കടത്താൻ ശ്രമിച്ച വാഹനവും ബിജെപി ബൂത്ത് കമ്മിറ്റിയുടെ നേതൃത്വത്തിൽ നാട്ടുകാർ തടഞ്ഞതോടെ തിരുവല്ല പോലീസ് സ്ഥലത്തെത്തി അരിയും വാഹനവും പിടിച്ചെടുത്തു.
തുടർന്ന് ബിജെപി പ്രവർത്തകർ നടത്തിയ ധർണ നിയോജകമണ്ഡലം ഉപാധ്യക്ഷൻ ശ്യാം മണിപ്പുഴ ഉദ്ഘാടനം ചെയ്തു.
അശോക് കുമാർ അന്പാടി അധ്യക്ഷത വഹിച്ചു.
ഭാരവാഹികളായ സി.ബി പ്രസന്നകുമാർ, ബിജു മുത്തൂർ, ജയൻ മന്നംകരചിറ, രാജേഷ് കൃഷ്ണ, രാജീവ്, രമേശ് ചുമത്ര, ഗോപിനാഥ പണിക്കർ, പ്രതാപ് കുമാർ, വിബിൻ കുറ്റപ്പുഴ, അനീഷ് പുതുച്ചിറ എന്നിവർ നേതൃത്വം നൽകി.
കരിഞ്ചന്തയിലേക്ക് കടത്താൻ ശ്രമിച്ച അരി പിടികൂടി
10:24 PM Mar 21, 2017 | Deepika.com