ശ്രീവില്വാദ്രിനാഥ ക്ഷേത്രത്തിൽ അഷ്ടമി വിളക്ക് ഇന്ന്
01:13 AM Feb 19, 2017 | Deepika.com
തിരുവില്വാമല: ശ്രീവില്വാദ്രിനാഥ ക്ഷേത്രത്തിൽ അഷ്ടമി വിളക്ക് ഇന്ന്. അഷ്ടമിയോടനുബന്ധിച്ചുള്ള 101 പറ അരിയുടെ അന്നദാനം ഇന്നു നടക്കും. ക്ഷേത്രത്തിൽ ഒരാഴ്ചയായി നടന്നുവരുന്ന ലക്ഷാർച്ചന യജ്ഞം ഇന്നു സമാപിക്കും. രാവിലെ എട്ടിനു കലാമണ്ഡലം ശശി പൊതുവാളിന്റെ പ്രമാണത്തിൽ മേളത്തോടെ ശീവേലി, 10നു തന്ത്രി കുന്നത്തൂർ പടിഞ്ഞാറേടത്ത് വിഷ്ണു ഭട്ടതിരിപ്പാട്, ഉണ്ണി ഭട്ടതിരിപ്പാട് എന്നിവരുടെ കാർമികത്വത്തിൽ കളഭാഭിഷേകം, തുടർന്നാണ് ക്ഷേത്രം ചുറ്റന്പലത്തിൽ അന്നദാനം നടക്കുക. വൈകുന്നേരം മലേശമംഗലം എച്ച്എൽവി സ്കൂൾ വിദ്യാർഥികളുടെ അക്ഷരശ്ലോക സദസ്, ആറിന് നാദസ്വരം, എട്ടിനു കേളി എന്നിവയുണ്ടാകും. നവമിദിനത്തിൽ ശ്രീവില്വാദ്രിനാഥ സംഗീതോത്സവം തുടങ്ങും. ബുധനാഴ്ചയാണ് പ്രസിദ്ധമായ തിരുവില്വാമല ഏകാദശി.