പുതുക്കാട്: 2014 ൽ അനുവദിക്കപ്പെട്ട ഹയർ സെക്കൻഡറി സ്കൂളുകളിലെ തസ്തിക നിർണയം പൂർത്തീകരിക്കാൻ സർക്കാരിന് ഇതുവരെ കഴിഞ്ഞിട്ടില്ലെന്നും ഇത് മൂലം നിരവധി അധ്യാപകരുടെ നിയമനം അനിശ്ചിതത്വത്തിലായെന്നും ബിജെപി സംസ്ഥാന ജനറൽ സെക്രട്ടറി രാധാകൃഷ്ണൻ. ദേശീയ അധ്യാപക പരിഷത്ത് സംസ്ഥാന കമ്മിറ്റിയുടെ നേതൃത്വത്തിൽ പുതുക്കാട് സംഘടിപ്പിച്ച ഭിക്ഷാടന സമരം ഉദ്ഘാടനം ചെയ്യുകയായിരുന്നു അദ്ദേഹം.
ഹയർ സെക്കൻഡറി വിദ്യാഭ്യാസം തകർക്കുന്ന നടപടികളിൽനിന്ന് സംസ്ഥാന സർക്കാർ പിൻമാറണമെമെന്നും ഹയർ സെക്കൻഡറി തസ്തിക നിർണയം പൂർത്തീകരിക്കാൻ സർക്കാരും വിദ്യാഭ്യാസ വകുപ്പും ഉടൻ ഇടപെടണമെന്നും രാധാകൃഷ്ണൻ പറഞ്ഞു.
സംഘടന സംസ്ഥാന പ്രസിഡന്റ് എ.വിനോദ് അധ്യക്ഷത വഹിച്ചു.സംസ്ഥാന ജനറൽ സെക്രട്ടറി പി.എസ്.ഗോപകുമാർ, ബിജെപി ജില്ലാ പ്രസിഡന്റ് എ. നാഗേഷ്, ബിജെപി ജില്ലാ കമ്മിറ്റിയംഗം വി.വി.രാജേഷ്, കെ.എസ്.ജയചന്ദ്രൻ, സി.മനോജ്, സി.വി.രാജീവൻ തുടങ്ങിയവർ പ്രസംഗിച്ചു.
ഹയർ സെക്കൻഡറി തസ്തിക നിർണയം പൂർത്തിയാക്കാൻ സർക്കാരിനായില്ലെന്ന്
01:11 AM Feb 19, 2017 | Deepika.com