പെരിന്തൽമണ്ണ : വ്യവസായ വാണിജ്യ വകുപ്പിന്റെ ആഭിമുഖ്യത്തിൽ ജില്ലാതല വ്യവസായ ഉത്പന്ന പ്രദർശന വിപണനമേള പെരിന്തൽമണ്ണയിൽ ആരംഭിച്ചു. നഗരത്തിലെ ഹൈടെക് ഷോപ്പിംഗ് കോംപ്ലക്സിലാണ് മേള നടക്കുന്നത്.
നഗരസഭ ചെയർമാൻ മുഹമ്മദ് സലീം പ്രദർശനം ഉദ്ഘാടനം ചെയ്തു. ജില്ലാ വ്യവസായ കേന്ദ്രം മാനേജർ ലവ്ലിയ പങ്കെടുത്തു. ജില്ലയിലെ വ്യവസായ സംരംഭകർ ഉണ്ടാക്കുന്ന ഉത്പന്നങ്ങളാണ് മേളയിൽ പ്രദർശിപ്പിക്കുന്നത്.
ഭക്ഷ്യ വസ്തുക്കളായ ബ്രോസ്റ്റ് പൗഡർ, കബ്സ മസാല, ചക്ക സ്ക്വാഷ്, ചക്ക അവുലോസ് പൊടി, കല്ലുമ്മക്കായ പൂവപ്പം, കപ്പ ഉത്പന്നങ്ങൾ എന്നി വൈവിധ്യമാർന്നതും ചൂരൽ ഉത്പന്നങ്ങൾ, സിമന്റ് ഉത്പന്നങ്ങൾ, പെർഫ്യൂംസ്, പർദ്ദകൾ, വുഡ് കർവിംഗ്, ടെറാ കോട്ടമ്യൂറൽ, കളിമണ് പാത്രങ്ങൾ, കാപ്പി ഉത്പന്നങ്ങൾ എന്നിവയും പ്രദർശനത്തിനുണ്ട്. ഉച്ചയ്ക്കുശേഷം മൂന്നു മുതൽ രാത്രി 8.30 വരെയാണ് പ്രദർശന സമയം.
പെരിന്തൽമണ്ണയിൽ ഉത്പന്ന വിപണനമേള ആരംഭിച്ചു
12:46 AM Feb 19, 2017 | Deepika.com