പെരിന്തൽമണ്ണ : അഴിമതി രഹിത സിവിൽ സർവീസ് കെട്ടിപ്പടുക്കാൻ മുഴുവൻ ജീവനക്കാരും ഒരുമിക്കണമെന്ന് കേരള എൻജിഒ യൂണിയൻ ജില്ലാ സമ്മേളനം ആവശ്യപ്പെട്ടു.
സിഐടിയു അഖിലേന്ത്യാ സെക്രട്ടറി പി. നന്ദകുമാർ പ്രതിനിധി സമ്മേളനം ഉദ്ഘാടനം ചെയ്തു. കേരള അഡ്മിനിസ്ട്രേറ്റീവ് സർവീസ് കാലഘട്ടത്തിന്റെ അനിവാര്യതയാണെന്നും അതിനെ അട്ടിമറിക്കാനുള്ള നീക്കത്തെ ചെറുക്കേണ്ടതുണ്ടെന്നും അദ്ദേഹം പറഞ്ഞു. പ്രസിഡന്റ് ടി.എം.ഋഷികേശൻ അധ്യക്ഷത വഹിച്ചു. എഫ്എസ്ഇടിഒ ജില്ലാ പ്രസിഡന്റ് ബേബിമാത്യു, കോണ്ഫെഡറേഷൻ ഓഫ് സെൻട്രൽ ഗവണ്മെന്റ് എംപ്ലോയീസ് ആൻഡ് വർക്കേഴ്സ് ജില്ലാ കണ്വീനർ പി.ഋഷികേശ് കുമാർ, യൂണിയൻ സംസ്ഥാന വൈസ്പ്രസിഡന്റ് സുജാത കൂടത്തിങ്കൽ എന്നിവർ പ്രസംഗിച്ചു.
കൗണ്സിൽ യോഗത്തിൽ പി.തുളസീദാസ് അധ്യക്ഷത വഹിച്ചു. പ്രസിഡന്റായി ടി.എം. ഋഷികേശൻ, വൈസ്പ്രസിഡന്റുമാരായി വി.കെ രാജേഷ്, ടി.കേസരീദേവി, ജില്ലാ സെക്രട്ടറിയായി എ.കെ.കൃഷ്ണപ്രദീപ് ജോയിന്റ് സെക്രട്ടറിമാരായി കെ.മോഹനൻ, കെ.വിജയകുമാർ ട്രഷററായി കെ.രവീന്ദ്രൻ ജില്ലാ സെക്രട്ടേറിയറ്റ് അംഗങ്ങളായി പി.തുളസീദാസ്, കെ.സുനിൽകുമാർ, കെ.പി.പുഷ്പ, സി.പി.സലീം, പി.മോഹൻദാസ്, പി.വേണുഗോപാൽ, വി.പി.സിനി, ഇ.പി.മുരളീധരൻ എന്നിവരെയും 22 അംഗ ജില്ലാ കമ്മിറ്റിയെയും 48 സംസ്ഥാന കൗണ്സിൽ അംഗങ്ങളെയും തെരഞ്ഞെടുത്തു. ജ്വാല കലാ കായിക സമിതി അവതരിപ്പിച്ച കലാസന്ധ്യ അരങ്ങേറി.
ഇന്ന് രാവിലെ നടക്കുന്ന സെമിനാറിൽ കേളുവേട്ടൻ പഠനഗവേഷണ കേന്ദ്രം ഡയറക്ടർ കെ.ടി.കുഞ്ഞിക്കണ്ണൻ പ്രഭാഷണം നടത്തും. ഉച്ചയ്ക്ക് ശേഷം നടക്കുന്ന സുഹൃദ് സമ്മേളനം പി.വി.അൻവർ എംഎൽഎ ഉദ്ഘാടനം ചെയ്യും.
കേരള അഡ്മിനിസ്ട്രേറ്റീവ് സർവീസ് അനിവാര്യം
12:42 AM Feb 19, 2017 | Deepika.com