തേഞ്ഞിപ്പലം: പാരലൽ സർവീസിനെതിരേ സമര രംഗത്തിറങ്ങാൻ ബസ് ഉടമകളുടെയും തൊഴിലാളികളുടെയും സംയുക്തയോഗം തീരുമാനിച്ചു. പള്ളിക്കൽ ബസാറിൽ നിന്നും ഫറോക്കിലേക്കും കോഴിക്കോട് ഭാഗങളിലേക്കും സർവീസ് നടത്തുന്ന ബസ് ഉടമകളുടെയും തൊഴിലാളികളുടെ യോഗത്തിലാണ് തീരുമാനം.
പാരലൽ സർവീസ് കാരണം വരുമാനത്തിൽ വലിയ നഷ്ടമാണ് അനുഭവപ്പെടുന്നത്. ആദ്യ പടിയായി ആർടിഒയ്ക്കും സിഐ, എസ്ഐ തുടങ്ങിയവർക്ക് പോലീസിൽ പരാതി നൽകും. 19ന് വൈകിട്ട് ഏഴിന് ഇടിമുഴിക്കൽ മൻബ്ബഹുൽ ഉലൂം മദ്രസയിൽ വച്ച് വിപുലമായ കണ്വൻഷൻ നടത്താനും അനിശ്ചിത കാല സമര പരിപാടികൾ ആസൂത്രണം ചെയ്യാനുമാണ് തിരുമാനം. യോഗത്തിൽ ഹംസ കെ.വി അധ്യക്ഷത വഹിച്ചു. ജംഷീർ ആൽപ്പറബ, അസ്ലം മാട്ടിൽ, ടി.ആർ ജിതേഷ്, വി. ഷിഹാബുദീൻ എന്നിവർ പ്രസംഗിച്ചു.
പാരലൽ സർവീസിനെതിരേ സമരരംഗത്തിറങ്ങാൻ തീരുമാനം
01:01 AM Feb 15, 2017 | Deepika.com