ചാലക്കുടി: ഫ്രെയിംസ് ഫിലിം സൊസൈറ്റിയുടെ ആഭിമുഖ്യത്തിൽ 19 മുതൽ 26 വരെ അന്താരാഷ്ട്ര ചലച്ചിത്രമേള നടക്കും. 19ന് ആറഞ്ഞാലി മണപ്പുറത്ത് രാജ്യാന്തര മേളയുടെ ഭാഗമായി നടക്കുന്ന പ്രാദേശിക ചലച്ചിത്ര മേളയുടെ ഉദ്ഘാടനം നടക്കും.
മേളയിൽ ഇത്തവണ മലയാള സിനിമാ വിഭാഗത്തിൽ അഞ്ച് മികച്ച ചിത്രങ്ങളാണ് ഉൾപ്പെടുത്തിയിരിക്കുന്നത്.
നോട്ടർഡാം ഫിലിം ഫെസ്റ്റിവലിൽ മികച്ച ചിത്രത്തിനുള്ള പുരസ്കാരം നേടിയ ‘സെക്സി ദുർഗ’ എന്ന ചിത്രത്തിന്റെ സംവിധായകൻ സനൽ കുമാർ ശശിധരൻ സംവിധാനം ചെയ്ത ‘ഒഴിവുദിവസത്തെ കളി’, തിരുവനന്തപുരം രാജ്യാന്തര ചലച്ചിത്ര മേലയിൽ ഫിഫ്രസി പുരസ്കാരം നേടിയ വിധുവിൻ സെന്റിന്റെ ‘മാൻഹോൾ’, സംഗീത നാടക അക്കാദമി അംഗം മനോജ് കാന സംവിധാനം ചെയ്ത ‘അമീബ’, നവാഗത സംവിധായകനുള്ള 2015 അരവിന്ദൻ അവാർഡ് നേടിയ ‘മൺറോതുരുത്ത്’, 52 സെക്കൻഡ് ചിത്രങ്ങൾ എന്നിവ പ്രദർശിപ്പിക്കും.
പ്രദർശനസമയങ്ങളിൽ പ്രേഷകർക്ക് സംവിധായകരോട് നേരിട്ട് സംവദിക്കുവാൻ അവസരം ഉണ്ടാകും. കൂടുതൽ വിവരങ്ങൾക്ക് 9447302708.
അന്താരാഷ്ട്ര ചലച്ചിത്രമേള 19 മുതൽ
10:23 PM Feb 12, 2017 | Deepika.com