ഇരിങ്ങാലക്കുട: പാർശ്വവത്കരിക്കപ്പെട്ട ജനവിഭാഗത്തിന്റെ ഇരുൾ നിറഞ്ഞ ജീവിതപാതയിൽ പ്രകാശത്തിന്റെ ദൂതരായി പ്രവർത്തിക്കുന്നവരാണ് സന്യസ്തരെന്ന് രൂപത വികാരി ജനറൽ മോണ്.ആന്റോ തച്ചിൽ പറഞ്ഞു. ശതോത്തര സുവർണ ജൂബിലിയാഘോഷിക്കുന്ന ഉൗരകം സെന്റ് ജോസഫ്സ് പള്ളിയിൽ വ്യതവാഗ്ദാന രജത ജൂബിലിയാഘോഷിക്കുന്ന ഡിഡിപി കോണ്വെന്റ് സുപ്പീരിയർ മദർ വിൻസിക്ക് നൽകിയ സ്വീകരണത്തോടനുബന്ധിച്ച് നടന്ന സ്നേഹസംഗമം ഉദ്ഘാടനം ചെയ്യുകയായിരുന്നു അദ്ദേഹം.
വികാരി റവ.ഡോ. ബെഞ്ചമിൻ ചിറയത്ത് അധ്യക്ഷത വഹിച്ചു.
ജനറൽ കണ്വീനർ തോമസ് തത്തംപിള്ളി, ഓൾ ഇന്ത്യ കാത്തലിക് യൂണിയൻ സംസ്ഥാന പ്രസിഡന്റ് ആന്റണി എൽ.തൊമ്മാന, മാതൃസംഘം പ്രസിഡന്റ് ബിൻ ജോസ്, കൈക്കാരന്മാരായ കെ.പി.പിയൂസ് പി.എൽ.ജോസ്, കുടുംബ സമ്മേളന കേന്ദ്രസമിതി പ്രസിഡന്റ് ജോണ് ജോസഫ് ചിറ്റിലപ്പിള്ളി, ഇടവക പ്രതിനിധി മിനി വരിക്കശേരി എന്നിവർ പ്രസംഗിച്ചു.
സന്യസ്തർ പ്രകാശത്തിന്റെ ദൂതർ: മോണ്. ആന്റോ തച്ചിൽ
10:23 PM Feb 12, 2017 | Deepika.com