മലപ്പുറം: ചെമ്മംങ്കടവ് പിഎംഎസ്എഎംഎ. ഹയർസെക്കൻഡറി സ്കൂൾ വിദ്യാർഥികളുടെ ’സ്നേഹവീട്’ കൈമാറി. കോഡൂർ ഗ്രാമപ്പഞ്ചായത്തിലെ ഈസ്റ്റ്കോഡൂരിലെ നിർധനയും വിധവയുമായ തേവുങ്ങൽ ആമിനക്കാണ് ’സ്നേഹവീട്’ കൈമാറിയത്.
ഹയർസെക്കൻഡറി സ്കൂൾ ഓഡിറ്റോറിയത്തിൽ നടന്നചടങ്ങിൽ ’സ്നേഹവീടി’ന്‍റെ താക്കോൽകൈമാറ്റം നിയമസഭ പ്രതിപക്ഷ ഉപനേതാവ് പി.കെ.കുഞ്ഞാലിക്കുട്ടി എംഎൽഎ. നിർവ്വഹിച്ചു. സ്കൂളിലെ എൻ.എസ്.എസ്. യൂണിറ്റ് നടപ്പാക്കിയ ഏകവർഷ പദ്ധതിയുടെ ഭാഗമായിട്ടാണ് വീട് നിർമിച്ചത്.
വിദ്യാർത്ഥികളിൽ നിന്നും പൊതുജനങ്ങളിൽ നിന്നും സാന്പത്തിക സഹായം സ്വീകരിച്ചാണ് വീടുനുള്ള വിഭവസമാഹരണം നടത്തിയത്. നിലമൊരുക്കൽ, തറയിൽ മണ്ണ് നിറക്കൽ, കോണ്ഗ്രീറ്റ് പ്രവർത്തനങ്ങൾക്ക് സഹായിക്കൽ, അതാത് സമയങ്ങളിൽ സിമന്‍റ് നനക്കയ്ൽ തുടങ്ങി വിദ്യാർത്ഥികൾക്ക് ചെയ്യാവുന്ന പ്രവർത്തികൾ യൂണിറ്റ് അംഗങ്ങൾ തന്നെയാണ് നിർവഹിച്ചത്. തൊണ്ണൂറ് ദിവസക്കൊണ്ടാണ് വീടിന്‍റെ പണി പൂർത്തീകരിച്ചത്.
പിടിഎ പ്രസിഡന്‍റ് എൻ. കുഞ്ഞീതു അധ്യക്ഷത വഹിച്ചു. പി. ഉബൈദുള്ള എംഎൽഎ, ഗ്രാമപ്പഞ്ചായത്ത് പ്രസിഡന്‍റ് സി.പി.ഷാജി, എൻഎസ്എസ്. ജില്ലാ കണ്‍വീനർ കെ.സി. മുരളിധരൻ, പി.എ.സി.അംഗം എം.സി. അനീഷ്, ഗ്രാമപ്പഞ്ചായത്തംഗങ്ങളായ എം.ടി.ബഷീർ, കെ.ഷീന, സ്കൂൾ പ്രിൻസിപ്പൽ കെ.ജി. പ്രസാദ്, പ്രഥമാധ്യാപകൻ പി.അബ്ദുൽ നാസർ, എൻഎസ്എസ് യൂണിറ്റ് പ്രോഗ്രാം ഓഫീസർ എൻ.കെ.ഹഫ്സൽ റഹ്മാൻ, പി.ടി.എ. അംഗങ്ങളായ റജുല പെലത്തൊടി, ഫാത്തിമ വട്ടോളി, പി.പി.അബ്ദുൽ നാസർ, സ്കൂൾ മാനേജർ എൻ.കെ.കുഞ്ഞിമുഹമ്മദ്, സ്റ്റാഫ് സെക്രട്ടറി കെ. പ്രൈംസണ്‍, മുൻപ്രിൻസിപ്പൽ ടി.എ.കബീർ, അബ്ദുറഹൂഫ് വരിക്കോടൻ, ഷിജിൻ നായർത്തൊടി, എൻഎസ്എസ് യൂണിറ്റ് ലീഡർമാരായ ഫാത്തിമ ഷിറിൻ ഷഹാന, എ.കെ. മുഹമ്മദ് ഷബീർ തുടങ്ങിയവർ പ്രസംഗിച്ചു.
വിദ്യാർഥികൾ "സ്നേഹവീട്’ കൈമാറി
09:51 PM Feb 12, 2017 | Deepika.com