പെരിന്തൽമണ്ണ: സാന്ത്വനം ദശദിനക്യാന്പിന്റെ ആറാം ദിനം അംഗങ്ങൾക്ക് ആത്മവിശ്വാസം പകരുന്ന പരിശീലനങ്ങൾ നൽകി. അരക്കു താഴെ തളർന്നെങ്കിലും ജീവിതത്തെ മനക്കരുത്തോടെ നേരിടാൻ തങ്ങൾക്ക് കഴിയുമെന്ന് ക്യാന്പാംഗങ്ങൾക്ക് തൊഴിൽ പരിശീലനത്തിലൂടെ ബോധ്യപ്പെടുത്തനായി അലി മണ്ണാർമലയുടെ നേതൃത്വത്തിൽ ബാഗ് നിർമാണം പരിശീലിപ്പിച്ചു.
പെരിന്തൽമണ്ണ ഗവണ്മെന്റ് ആശുപത്രിയിലെ സർജൻ ഡോ.രാജേഷിന്റെ നേതൃത്വത്തിൽ മെഡിക്കൽ ക്യാന്പ് നടന്നു. എംഇഎസ് മെഡിക്കൽ കോളജിലെ ഡോക്ടർമാരായ ടി.നജീബ്, സി.പി.മുഹമ്മദ് സാദിഖ് എന്നിവരും മെഡിക്കൽ ക്യാന്പിന് നേതൃത്വം നൽകി. സാംസ്കാരിക സായാഹ്നത്തിന് അങ്ങാടിപ്പുറം റിഹാലിയ സ്കൂൾ ഓഫ് മ്യൂസിക്കലിലെ മുരളി മോഹൻദാസിന്റെ നേതൃത്വത്തിൽ വയലിൻ സോളോ അരങ്ങേറി. യോഗ പരിശീലകൻ ഷംസുദ്ദീൻ ക്യാന്പ് അംഗങ്ങൾക്ക് യോഗ പരിശീലനം നൽകി.
ആത്മവിശ്വാസ പരിശീലനം നൽകി
09:51 PM Feb 12, 2017 | Deepika.com