ചാവക്കാട്: ഇടിമിന്നലേറ്റ് ഫൈബർ വള്ളം തകർന്നു. ബ്ലാങ്ങാട് ഇരട്ടപ്പുഴ സ്വദേശി ടി.എസ്. ഉണ്ണികൃഷ്ണന്റെ ഉടമസ്ഥതയിലുള്ള ശ്രീഗുരുവായൂരപ്പൻ എന്ന മത്സ്യബന്ധന വള്ളമാണ് തകർന്നത്.
കോളനിപ്പടി കടലാരത്ത് കയറ്റി വെച്ചിരുന്ന വള്ളത്തിന്റെ ഒരു ഭാഗം പൂർണമായി തകർന്നു. അടിഭാഗത്തിനും കേടുപറ്റിയുണ്ട്. ഇന്നലെ പുലർച്ച ഒന്നിനു ശേഷമാണ് സംഭവം. കഴിഞ്ഞദിവസം രാത്രി പതിനൊന്നുമണിയോടെ ചാവക്കാട് മേഖലയിൽ ശക്തമായ കാറ്റും മഴയും ഇടിമിന്നലുമായിരുന്നു. മിന്നലേറ്റ് തീര മേഖലയിൽ വ്യാപക നാശനഷ്ടം ഉണ്ടായിട്ടുണ്ട് . 40,000 രൂപയുടെ നഷ്ടമുണ്ടെന്ന് ഉടമ പറഞ്ഞു.
ഫുട്ബോൾ
അക്കാഡമിക്ക്
തുടക്കം
തൃശൂർ: നെല്ലിക്കുന്നു സെന്റ് സെബാസ്റ്റ്യൻസ് ഗേൾസ് ഹൈസ്കൂളിൽ ഫുട്ബോൾ അക്കാഡമിക്കു തുടക്കം. മുൻ സന്തോഷ് ട്രോഫി താരം സുരേഷ് ബാബു ഉദ്ഘാടനം ചെയ്തു. സ്കൂൾ ഹെഡ്മിസ്ട്രസ് റവ. സിസ്റ്റർ സവിധ നേസ്, ഫുട്ബോൾ കോച്ചുമാരായ പി.എ. അഖിൽ, മിഥുൻ രാംദാസ്, കെ.എ. അഭിജിത്ത് എന്നിവർ പ്രസംഗിച്ചു. ഫുട്ബോൾ അക്കാഡമിയിലേക്കുള്ള അഞ്ചുമുതൽ പത്തുവരെയുള്ള ക്ലാസുകളിലെ കുട്ടികളുടെ പ്രവേശനം നടക്കുന്നു. ഫോണ്: 9895891004, 8893228882
മിന്നലേറ്റ് വള്ളം തകർന്നു
12:47 AM May 26, 2023 | Deepika.com