പത്തനംതിട്ട: അടുത്ത അധ്യയനവര്ഷം ആരംഭിക്കുന്നതിനു മുന്പായി ജില്ലയിലെ മുഴുവന് സ്കൂള് ബസ് ഡ്രൈവര്മാര്ക്കും ട്രാന്സ്പോര്ട്ട് കമ്മീഷണറുടെ ഉത്തരവ് പ്രകാരം മലപ്പുറം ജില്ലയിലെ ഇടപ്പാളില് സ്ഥിതി ചെയ്യുന്ന ഐഡിടിആറിൽ (ഇന്സ്റ്റിറ്റ്യൂട്ട് ഓഫ് ഡ്രൈവേഴ്സ് ട്രെയിനിംഗ് ആൻഡ് റിസേര്ച്ച്) പ്രത്യേകം തയാറാക്കിയ സിലബസിലുള്ള ട്രെയിനിംഗ് പ്രോഗ്രാം നടത്തും.
ട്രെയിനിംഗ് കോഴ്സിലേക്കുള്ള അപേക്ഷ https://forms.gle/ 37K1FrydUSaZMzU9 എന്ന ഗൂഗിള് ഫോം വഴി സ്കൂള് അധികാരികള് അപേക്ഷിക്കണം. സ്കൂള് അധികാരികള്ക്ക് മാത്രമേ അപേക്ഷിക്കാനുള്ള അവസരമുള്ളൂ. മൂന്നു ദിവസം നീണ്ടു നില്ക്കുന്ന കോഴ്സിന് ഫീസായി 3000 രൂപ ഈടാക്കും. പരിശീലകര്ക്കു താമസ സൗകര്യവും ഒരുക്കിയിട്ടുണ്ട്. പരിശീലനം ലഭിച്ചിട്ടുള്ള ഡ്രൈവര്മാര്ക്ക് മാത്രമായിരിക്കും തുടര് വര്ഷങ്ങളില് ഇത്തരം വാഹനങ്ങള് ഓടിക്കുന്നതിനുള്ള അനുമതി.
നൂതനമായ വിദ്യാ വാഹന് പദ്ധതി മോട്ടോര് വാഹന വകുപ്പ് ഒരുക്കിയിട്ടുണ്ട്. ഇതനുസരിച്ചു തങ്ങളുടെ കുട്ടികള് സഞ്ചരിക്കുന്ന സ്കൂള് ബസിന്റെ വേഗം, റൂട്ട് ഉള്പ്പെടെയുള്ള വിവരങ്ങള് രക്ഷിതാക്കള്ക്ക് അറിയാന് കഴിയും. എല്ലാ സ്കൂള് അധികാരികളും വിദ്യാവാഹന് പദ്ധതിയില് മുഴുവന് രക്ഷിതാക്കളെയും ഉള്പ്പെടുത്താനുള്ള ക്രമീകരണങ്ങള് വരുത്തണമെന്നു പത്തനംതിട്ട ആര്ടിഒ എ.കെ. ദിലു അറിയിച്ചു. ഫോണ്: 9400172100.
സ്കൂള് ബസ് ഡ്രൈവര്മാര്ക്ക് പരിശീലനം
10:49 PM Apr 01, 2023 | Deepika.com