കാഞ്ഞാണി: അന്തിക്കാട് ബ്ലോക്ക് പഞ്ചായത്ത് പുതിയ ഓഫീസ് സമുച്ചയം നാളെ വൈകീട്ട് ആറിന് മന്ത്രിമാരായ എം.ബി. രാജേഷും കെ. രാജനും ചേർന്ന് ഉദ്ഘാടനം ചെയ്യുമെന്ന് ബ്ലോക്ക് പ്രസിഡന്റ് സി.കെ. കൃഷ്ണകുമാർ പത്രസമ്മേളനത്തിൽ അറിയിച്ചു.
സി.സി. മുകുന്ദൻ എംഎൽഎ അധ്യക്ഷനാകും. ടി.എൻ. പ്രതാപൻ എംപി, മുരളി പെരുനെല്ലി എംഎൽഎ, ജില്ലാ പഞ്ചായത്ത് പ്രസിഡന്റ് പി.കെ. ഡേവീസ്, ഗീതാ ഗോപി ഉൾപ്പെടെയുള്ള ത്രിതല പഞ്ചായത്ത് ജനപ്രതിനിധികൾ പങ്കെടുക്കും. മുൻ എംഎൽഎ ഗീതാ ഗോപിയുടെ ആസ്തി വികസനഫണ്ടിൽ നിന്ന് അനുവദിച്ച 50 ലക്ഷം രൂപയും ബ്ലോക്കിന്റെ 20 ലക്ഷം രൂപയും ചെലവഴിച്ചാണ് ഓഫീസ് നവീകരിച്ചത്. ഓഫീസ് നവീകരണത്തിന്റെ ഭാഗമായവരെയും കോവിഡിൽ സഹായിച്ചവരെയും ആദരിക്കും.
കുടുംബശ്രീ അംഗങ്ങളുടെ കലാപരിപാടികളോടെയാണ് ചടങ്ങുകൾ തുടങ്ങുക. വൈസ് പ്രസിഡന്റ് ടി.ബി. മായ, സ്റ്റാൻഡിംഗ് കമ്മറ്റി ചെയർമാൻമാരായ പി.എസ്. നജീബ്, സി.ആർ. രമേഷ് എന്നിവരും പത്രസമ്മേളനത്തിൽ പങ്കെടുത്തു.
അന്തിക്കാട് ബ്ലോക്ക് പഞ്ചായത്ത് ഓഫീസ് സമുച്ചയം ഉദ്ഘാടനം നാളെ
01:09 AM Mar 24, 2023 | Deepika.com