പാവറട്ടി: സെന്റ് ജോസഫ്സ് തീർഥകേന്ദ്രത്തിൽ വിശുദ്ധ യൗസേപ്പിതാവിന്റെ മരണത്തിരുനാൾ ഇന്ന് ആചരിക്കും.
രാവിലെ 5.30 നും 7.30നും കുർബാന. 10ന് ആഘോഷമായ റാസ കുർബാനയ്ക്ക് ഫാ. ജിയോ തെക്കിനിയത്ത് മുഖ്യകാർമികനാകും. ഫാ. ലിജോ ബ്രഹ്മക്കുളം തിരുനാൾ സന്ദേശം നൽകും. തുടർന്നു നേർച്ചസദ്യ ആശീർവദിച്ച് വിതരണം ചെയ്യും. തീർഥകേന്ദ്രം റെക്ടർ ഫാ. ജോണ്സണ് ഐനിക്കൽ നേർച്ച ഭക്ഷണം ആശീർവദിക്കും. ഞായറാഴ്ച രാത്രി വിവിധ സംഘടനകളുടെ നേതൃത്വത്തിൽ വാദ്യമേളങ്ങളോടെ വിശുദ്ധന്റെ തിരുസ്വരൂപം പ്രതിഷ്ഠിച്ചിട്ടുള്ള തേര് എഴുന്നള്ളിപ്പുകൾ തീർഥകേന്ദ്രത്തിൽ എത്തിച്ചേരും.
പീച്ചി: വിലങ്ങന്നൂർ സെന്റ് ജോസഫ് ലത്തീൻ പള്ളിയിലെ ഉൗട്ടു തിരുനാൾ ഇന്ന് നടക്കും.
കോട്ടപ്പുറം രൂപത മെത്രാൻ റവ. ഡോ. ജോസഫ് കാരിക്കശേരി വെള്ളിയാഴ്ച വൈകിട്ട് തിരുനാളിന് കൊടിയേറ്റി. ഫാ. ആന്റണി ചില്ലിട്ടശേരിയുടെ മുഖ്യ കാർമികത്വത്തിൽ പ്രസുദേന്തി വാഴ്ചയും ദിവ്യബലിയും നടന്നു. തിരുനാൾ ദിനമായ ഇന്ന് വൈകിട്ട് അഞ്ചിന് ആഘോഷമായ ദിവ്യബലിക്ക് കോട്ടപ്പുറം രൂപതാ വികാരി ജനറാൾ മോണ്. ആന്റണി കുരിശിങ്കൽ മുഖ്യ കാർമികത്വം വഹിക്കും. തുടർന്ന് നൊവേന, പ്രദക്ഷിണം, ഉൗട്ടുസദ്യ എന്നിവ ഉണ്ടാകും. വികാരി ഫാ. അലക്സ് ഇലഞ്ഞിക്കൽ, ജനറൽ കണ്വീനർ ജൂലൻ ചാലാവീട്ടിൽ, കൈക്കാരന്മാരായ ജോണ്സണ് പൂമുഖത്ത്, ജസ്റ്റിൻ ചാലാവീട്ടിൽ എന്നിവർ നേതൃത്വം നൽകും. മറ്റം: മാർക്കറ്റ് റോഡിലുള്ള വിശുദ്ധ യൗസേപ്പിതാവിന്റെ കപ്പേളയിൽ മരണത്തിരുനാൾ ആഘോഷിച്ചു.
തിരുക്കർമങ്ങൾക്ക് അസി. വികാരി ഫാ. ആന്റണി ചിറ്റിലപ്പിള്ളി മുഖ്യകാർമികനായി. വികാരി ഫാ. ഷാജു ഉൗക്കൻ സന്ദേശം നൽകി. തുടർന്ന് ജോസഫ് നാമധാരികളെ ആദരിക്കലും, നേർച്ച ഭക്ഷണ വിതരണവും ഉണ്ടായിരുന്നു. ഇടവകയിലെ ഹോളിഫാമിലി, വിശുദ്ധ ഫ്രാൻസീസ് സേവ്യർ, വിശുദ്ധ ഗോണ്സാല ഗാർസിയ കുടുംബക്കൂട്ടായ്മയിലെ ഭാരവാഹികൾ തിരുനാളാഘോഷത്തിന് നേതൃത്വം നൽകി.
ദേവാലയങ്ങളിൽ തിരുനാൾ ആഘോഷം
12:41 AM Mar 19, 2023 | Deepika.com