ക്രോസ്കണ്ട്രി മത്സരത്തിൽ ക്രൈസ്റ്റ് കോളജ് ജേതാക്കൾ
01:11 AM Feb 04, 2023 | Deepika.com
ഇരിങ്ങാലക്കുട: കാലിക്കട്ട് യൂണിവേഴ്സിറ്റി ക്രോസ് കണ്ട്രി മത്സരത്തിൽ പുരുഷ വിഭാഗത്തിലും വനിതാ വിഭാഗത്തിലും ഒന്നാം സ്ഥാനം ഇരിങ്ങാലക്കുട ക്രൈസ്റ്റ് കോളജിന്. ക്രൈസ്റ്റ് കോളജിന്റെ അമിത്തും, റീബയും വ്യക്തിഗത വിജയികളായി. തൃശൂർ സെന്റ് തോമസ് കോളജാണ് മത്സരം സംഘടിപ്പിച്ചത്. തൃശൂർ റൗണ്ടിലാണ് കുട്ടികൾക്ക് മത്സര വേദി ഒരുക്കിയത്. തൃശൂർ കോർപറേഷൻ മേയർ, കാലിക്കറ്റ് യൂണിവേഴ്സിറ്റി കായിക വിഭാഗം മേധാവി, തൃശൂർ ജില്ലാ സ്പോർട്സ് കൗണ്സിൽ പ്രസിഡന്റ് എന്നിവർ ചടങ്ങിൽ പങ്കെടുത്തു. വനിതാ വിഭാഗത്തിൽ മേഴ്സി കോളജ് പാലക്കാടും, പുരുഷ വിഭാഗത്തിൽ സെന്റ് തോമസ് തൃശൂരും രണ്ടാം സ്ഥാനം നേടി.