തൃശൂർ: ലീജിയൻ ഒാഫ് മേരി നൂറാം വാർഷികവും തൃശൂർ കമ്മീസിയം 62-ാം വാർഷികവും സംയുക്തമായി 11ന് രാവിലെ പത്തുമുതൽ വൈകുന്നേരം അഞ്ചുവരെ സെന്റ് മേരീസ് കോളജ് ഒാഡിറ്റോറിയത്തിൽ നടക്കും.
ഉച്ചതിരിഞ്ഞ് 2.10ന് അതിരൂപത വികാരി ജനറാൾ ഫാ. ജോസ് കോനിക്കര ഉദ്ഘാടനം ചെയ്യും. ശദാബ്ദി സ്മരണിക ഉദ്ഘാടനം അതിരൂപത വികാരി ജനറാൾ ഫാ. ജോസ് വല്ലൂരാൻ ഉദ്ഘാടനം ചെയ്യും. ഫാ. സെബാസ്റ്റ്യൻ പാഴേപറന്പിൽ അധ്യക്ഷത വഹിക്കും. ലീജിയൻ ഒാഫ് മേരിയിലെ ഏറ്റവും സീനിയറായ ബ്രദർ ഡേവിസ് കണ്ണന്പുഴയെ ആദരിക്കും. റവ. ഡോ. ജോൺ മൂലൻ അനുഗ്രഹപ്രഭാഷണം നടത്തും. ബ്രദർ ജേക്കബ്, സെന്റ് മേരീസ് കോളജ് പ്രിൻസിപ്പൽ ഡോ. മേഗി ജോസ്, കൗൺസിലർ റെജീന റോയ്, പാസ്റ്ററൽ കൗൺസിൽ സെക്രട്ടറി ഡോ. മേരി റെജീന, ഡോ. ടോണി ജോസഫ് എന്നിവർ പ്രസംഗിക്കും. സണ്ണി കാട്ടൂക്കാരൻ സ്വാഗതവും ബ്രദർ ജോസ് പാലിയേക്കര നന്ദിയും പറയും.
രാവിലെ പത്തുമുതൽ പ്രാരംഭ പ്രാർഥന, ജപമാല, തെരേസ പ്രാർഥന എന്നിവയുണ്ടാകും. ഡെ. ഷെറിൻ മരിയ അനുഗ്രഹപ്രഭാഷണം നടത്തും. 11ന് വിശുദ്ധ കുർബാനയ്ക്കു ഫാ. ഡോ. ജോൺ മൂലൻ കാർമികത്വം വഹിക്കും. 25, 50 വർഷം പൂർത്തിയാക്കിയ മരിയ നവസൈനികരെ ആദരിക്കും.
ലീജിയൻ ഒാഫ് മേരി, തൃശൂർ കമ്മീസിയം വാർഷികം 11ന്
01:06 AM Dec 03, 2022 | Deepika.com