കൊളത്തൂർ: കുരുവന്പലം എഎംഎൽപി സ്കൂളിൽ മുൻ അധ്യാപകരുടെ കുടുംബ സംഗമം സംഘടിപ്പിച്ചു. പുതിയ പതിനാലു ക്ലാസുമുറികളുടെ ഉദ്ഘാടനത്തോടനുബന്ധിച്ചാണ് മുൻ അധ്യാപകരും കുടുംബങ്ങളും സ്കൂളിൽ ഒത്തു ചേർന്നത്. നിലവിലെ അധ്യാപകരും കുടുംബവും കൂടി ചേർന്നപ്പോൾ സംഗമം ഹൃദ്യമായി. പഴയകാല അനുഭവങ്ങൾ പങ്കുവച്ചു.
സ്കൂൾ മാനേജർ പി.പി ശശിയുടെ നേതൃത്വത്തിലായിരുന്നു സംഗമം സംഘടിപ്പിച്ചത്. സലീം കുരുവന്പലം, രാഗേഷ് പാലൂർ, അധ്യാപകരായ പി.എം. വാസുദേവൻ ഭട്ടതിരി, സാവിത്രി, എം.കെ. കരുണാകരൻ, കെ. ഹംസ, എം.കെ. അനിത, കെ. ശ്രീപതി, കെ. പാർവതി, എം.കെ. ലതിക എന്നിവരും കെ.പി സുനിൽകുമാർ, മുഹമ്മദ് ഷമീർ എന്നിവരും പ്രസംഗിച്ചു.
പൂർവ അധ്യാപക കുടുംബ സംഗമം
12:26 AM Nov 28, 2022 | Deepika.com